Diaranson mainta tambe a wordo trata e otro caso contra Benny.   Aki ta unda cu recherchenan a haya cu el’a horta su propio fundacion,  coy placa, pasa riba su cuenta.   E ta wordo sospecha pa verduistering di 11 mil florin unda el’a paga su gastonan personal cune. 
Segun Benny hopi biaha ela saca placa for di su saco, dus un voorschot, y despues mester a paga su mes un overheveling di e fundacion pa su cuenta priva.  Esey pa OM ta verduistering.  

Notabel ta cu anteriormente Benny a bisa cu e no sa nada di e cuenta di su funfacion.  E no ta atende.  Pero awor a bin sali na cla cu e mes a saca placa pasa pa su cuenta.  Pues e ta contradici su mes,  cu e sa bon bon tur cos di e cuenta di su fundacion. 
Cu bo tin un fundacion, no ta nabo e derecho di mal usa e meta di fundacion.   Si e meta ta pa genera placa pa haci campaƱa, anto bo mester tene bo mes na esey.  Bo no por haya sponser di varios comerciante,  djey saca e placa manda pa bo account priva y djey gasta e placa pa gastonan personal. 
Loke ta sospecha Benny di dje, ta precis loke su colega ex minister Paul Croes tambe a wordo acusa.   Tabata ricibi multiple sponser y tabata usa e placa pa tur sorto di gasto personal. 
Nota:  Un fundacion no ta instrumento di a wordo intenciona pa legalisa corupcion.  

LEAVE A REPLY

Please enter your comment!
Please enter your name here