Es cu sigui Bo Señor lo tin luz di bida. Luz y scuridad ta dos realidad cu ta contra di otro. Den e bida aki ora ta nochi ora no tin luz un hende por trompica y e no por haci su trabou; mescos luz y scuridad ta existi den e mundo spiritual. A crea hende pa cana den luz, fisico y spiritual. Scuridad spiritual ta encera e reino di pica y morto. E prome ordo cu Dios a duna ta ora El a crea luz. ( Gen. 1,3) y den e mundo di scuridad spiritual ta e luz di Dios so por lusa pa trece claridad ( Huan 1,9) luz y scuridad no por uni cu otro ( 1 Huan 1,5)Esun cu ta sigui Hesus tin luz y nunca nan no mester cana den scuridad, esnan cu ta prefera scuridad ta huy for di e luz berdadero. Esun cu ta cana den scuridad no sa unda e ta bay, esnan cu ta kere den Hesus ta cana den luz di Dios. E Dios cu ta stima ta e Dios cu t’ey pa duna tur hende su luz cu ta lusa su bida.Oracion: Señor ta Dios y El a duna nos luz pa guia nos caminda di bida. Danki Señor, paso Bo ta bon y bo amor ta berdadero y ta dura pa semper. Amen
