HASTA CUANDO e degeneracion aki ?
E credibilidad di un gobierno ta cuminza cu e integridad di su representantenan.
Recientemente, Marko Espinoza, un homber cu un pasado scur, condena pa delito di radio di polis cual a haci cu un agente policial a perde su trabou, a wordo poni den e centro di atencion como representante di Promer Minister Eman durante un actividad na Sero Patrishi. El’a bira manera un staatssecreteris.
Esaki ta hasi nos puntra: Con un persona cu un historial criminal por ta e cara publico di un gobierno cu ta promete transparencia i bon comun?
Un pasado scur
Marko Espinoza no ta un figura nobo den escanndalonan. Su condena anterior i su envolvimento den e caso di corupcion policial mester ta motibo pa un rechaso automatico di cualke puesto publico, specialmente un cu ta exigi e confiansa mas halto di e pueblo. Sinembargo, ey e ta, plantando palo i pose pa foto manera si e ta un ehempel di “gobierno limpi.”
Dobbel moral of un simpel falta di berguensa?
Mientras Promer Minister Eman ta ausente, su team, incluyendo Espinoza, ta purba mantene e imagen personal y di un gobierno cu ta traha. Pero, kisas pueblo no ta mira e contradiccion?
Un convicto no por ta e vos di honestidad.
E partisipacion di Espinoza den actividadnan oficial no ta nada mas cu un burla pa e hustisia i pa e cuidadanonan cu ta exigi etika di nan lidernan.
Laga un criminal representa;
Si e gabinete AVP-Futuro realmente kier demostra diferencia, nan mester cuminza cu elimina personanan cu antecedente criminal di nan filanan. Credibilidad no ta wordo construi cu discursonan, sino cu accionnan. Marko Espinoza no mester ta e cara di ningun ministerio, sino un recuerdo di tur loke ta sigui ta wrong den nos politica.
E transformacion berdadero no ta cuminza cu limpieza solamente den caya, sino tambe den e institucionnan.
Marko Espinoza ta corda cu su accionnan di corupcion tin un polis na cas, cu a perde trabao ? Of el’a lubida caba di dañonan irreparabel cu a wordo causa danki na su accionnan ?
