Dialuna mainta Minister Bikker a splica un periodista riba e diferencia entre e caso di Paul Croes y Marisol Lopez Tromp. E casonan no ta mescos. Tempo di e caso di Sr. Paul Croes, e gobierno e tempo ey a kita e ministerio completamente for di dje, y a haciel’e un minister sin cartera, “minister zonder portefueille”. Den e caski aki, Sra. Lopez Tromp a retene cierto tareanan, pues e no ta completamente sin portefueille, cual na final di dia, esey ta un fase di transicion mientras ta bay parlamento. E fase di transicion ta cu aworaki ta keda na paralmento pa expresa nan mes riba e desraoyo aki, y e momento ey nos lo wak con parlamento ta bay atende cu e decision di ministerraad aki.
E diferencia compara cu aña 2017 ta cu Marisol no ta completamente sin cartera of tarea, loke si a pasa ta cu su cartera a wordo reduci, den un fase di transicion na caminda pa staten, pa scucha staten. Pues no por compara e situacion di 2017 cu esun aki.
