Edward van de Biezen su tema nobo “Bin Awor” ta ser extrai di su produccion audiovisual  “Acoustic Set” cu a ser pasa na Television na Aruba y a dicidi di expone e tema’ki cu ta un  composicion y arreglo di Armin Solo. 

Edward despues di a presenta e tema aki den su proyecto audiovisual a dicidi hunto cu Armin p’asina lanza esaki como un tema promocional. 

Den e produccion musical aki a conta cu varios musico di taya manera entre otro Jeremy  Bonnariba, Sergio Silva, Nelson Croes, Lazaro Barizonte, Edgard Ojeda, Kris Cross cu e aparicion  special di Armin Solo cu su guitara electrico. 

E proyecto aki a conta cu e contribucion importante di Prins Bernhard Cultuurfonds dic cual Edward van der Biezen a gradici masha hopi mes cu esaki a por a bira un realidad. “Bin Awor” tin su storia, na momento cu tabata traha riba djie, inicialmente esaki tabata completamente un otro swing y na midi cu a keda elabora y a cuminza haya forma e la bira un  bachata na Papiamento cu acorde nan ‘pop’ cu ta dune un flow y dimencion diferente. Jeremy Bonnariba a hinka e parti di percucion su tras y asina cos nan a sigui di cual e la haya su  puesto den e repertorio di e proyecto ‘Acoustic Set’. 

Armin Solo a señala: ”Mi conoce Edward masha hopi tempo como persona y artista. Cu Edward  mi sa comparti hopi presentacion na hotel”. Tabata un par di luna pasa cu Edward a pone den  circulacion un afro-reggeuton di su autoria titula “Tur dia” cu a resulta un exito, n’e ocacion ey e  la bisa cu e ta trahando riba diferente cos y ata’ki e tema di su proyecto “Acoustic Set”. 

Link Acoustic Ste live show: 

E-mail: ettomusicaruba@gmail.com 

Contact: +2977411735

LEAVE A REPLY

Please enter your comment!
Please enter your name here