Stichting Parochieraad Santa Cruz y su Comision di “Himno y Bandera” ta invita henter pueblo di Aruba, y special esnan cu ta pertenece na e distrito di Santa Cruz pa un grandioso Dia di Famia, cu lo tuma luga diasabra, dia 18 di Maart na Centro “Curason Santa Cruz”.
E actividad ta cuminsa cu Santo Sacrificio di Misa di gradicimento pa 9:00 am den Misa “Inmaculada Concepcion”. Despues di Misa, lo hisa bandera di Aruba riba e parkinglot pariba di misa y Anais Thiel lo canta e Himno di Aruba, compaña pa Erick Rincones.
Despues ta sigi un programa cultural den dushi ambiente intercambia cu presentacion di cantantenan infantil y hubenil, y gruponan di baile. Bin apoya nos talentonan den nan presentacion. Cushina ta habri 11:30am pa entrega cuminda di pre-benta y manera ta custumber lo ofrece cuminda crioyo traha na cas. No tarda y contact Sra. Koolman na tel. 585 7171 pa ticket mesora. Mesa di bolo y dushinan tradicional y un bar bon surti, ta na ordu. E meta di e actividad aki ta pa genera fondo pa yuda Centro Curason Santa Cruz cu su gastonan operacional. Comision ta agradecido pa e oportunidad di por organisa un biaha mas e celebracion di Himno y Bandera di Aruba. Considera esaki como un invitacion personal. Masha danki di antemano.
