E Cuerponan den region Caribense conoce hunto un historia largo y bunita.
KPA (Korps Politie Aruba) y KPCN (Korps Politie Caribisch Nederland) ta expolorando con lo por fortalese mas ainda e colaboracion den e cuerponan. Enconexion cu esaki altocomisario di polis sr.Ramon Arnhem a haci un bishita recientemente na KPCN na Boneiro.
Altocomisario Arnhem a topa cu altocomisario di Boneiro sr.Alwyn Braaf. Tambe hefe di departamento di comunicacion di KPA sra.Liliana Rasmijn tabata presente pa e encuentro aki. Hunto a cera conoci cu diferente departamentonan cu ta resorta bao di KPCN.
Durante bishita di trabao e departamentonan di comunicacion di Aruba y Bonairo a ser conoci cu otro y intercambia ideanan pa loke ta e tema aki.
Esaki ta un di e prome bishita den region. Pronto lo haci mas bishita di trabao na diferente Cuerponan den region.
Un danki na altocomisario sr.Alwyn Braaf di KPCN pa su coordialidad como tambe un bon programa hinca den otro pa e bishita cortico pero fructifero. Altocomisario Arnhem y hefe di departamento di communicacion di KPA sra Rasmijn ta agradecido pa por a ser conoci, intercambia informacion y ideanan na diferente departamentonan na KPCN.
