Blackout diasabra ta afecta hopi negoshi
Diasabra ultimo a presenta un blackout na Aruba cu a afecta hopi negoshi na. Segun e informacion preliminar, varios motor di produccion di energia a trip, a sali for di servicio, causando un paro total di suministro di coriente.
Despues cu WEB a assess e situacion di e equiiponan di produccion, personal di storing a drenta pa reset e sistema di control y monitor. Na e momento ey a traha pa start e motornan un pa un. Segun splicacion di e tecnicunan, esaki ta un proceso hopi delicado cu mester tuma su tempo, y cu tin cu bai na un manera balansa, entre produccion y demanda, pa evita setback cu por forza nan pa cuminsa tur cos di nobo.
Segun e calculo inicial, lo tuma mas o menos 4 ora pa por recobra e suministro di coriente completamente. Mientras tanto, hopi negoshi a dal cera , perdiendo venta, net riba e dia cu ta genera mas venta.
Autoridadnan a pidi pasenshi di pueblo y ta sigui traha riba e problema aki pa restablece energia lo mas lihe posibel.
