Diahuebs atardi a drenta informe di un susedido unda cu tin un persona seriamente herida na Sabanilla Abao, mesora a dirigi ambulans cu urgencia na e sitio. Na yegada di e ambulans a bin compronde cu e blade di e “grinding machine” a bula los y a corta un ader principal na e pia di un homber di edad. Nan a pone paña riba e herida pero esaki tabata sigui sangra, mesora e personal medico a wanta e sangramento y a transporta e victima pa hospital cu urgencia.
