Ta punta dede riba ministernan, pero ta ciego p’e corupcion di Benny
Nan no mester hunga pa victima! Nan t’e agresor!
Diahuebs a tuma lugar un reunion den parlamento di Aruba cu a wordo yama encontra di e ministronan di Gabinete Wever Croes 2. E bloke di AVP-MAS-ACC21 ta simplemente un malperdedor y nan ta bira hopi nasty.
E actitud di e parlamentarionan di AVP-MAS-ACC21 tabata mas bien di hendenan cu no por accepta y kier keda hammer y hammer pa purba saca cualke beneficio politico.
E preguntanan cu a wordo lansa y ne forma cu nan a wordo lansa, ta tipifica e mentalidad sushi cu nan a bini reunion cune.
Preguntanan di mas personal a wordo haci, na e forma di mas baho, sin ningun nivel. Nivel di riool. Asina varios di e parlamentarionan tabata presenta un tras di otro cu hala di pregunta sin base.
Cu nan a wordo contesta bek cu nan mes un tono di frescura, nan no mester yora ni hunga victima, pasobra nan no ta victima, nan ta agresor cu a bini cu mente sushi pa tira lodo, bahando asina nan propio nivel na esun di mas cochino nunca antes bisto.
Evelyn no a grita Mervin manera Gerlien ta trece dilanti
Gerlien Croes di AVP, a resulta den un bon comediante, cu awor kier bolter mundo riba Evelyn, bisando cu Evelyn a tira palabra baho pa Mervin. Esey no ta berdad. Evelyn tabata referi na e forma baho con Mervin tabata referi na yiu di Rocco, y con e tabata expone e caso dilanti. Aki Evelyn tabata bise; Bo ta trece bo alegacion di tal manera dilanti, pasobra bo no tin e sentimento di mama, pasobra bo no tin yiu. Esey tabata pues relaciona cu e forma con Mervin a ataca Rocco.
Miguel Jose otro mas cu ta un homber asqueroso
Miguel Jose Mansur tambe a join e bloke di oposicion nasty nasty, ora cu tin ningun sorto di etica, e tabata trece redo dilanti, sin ningun base. Si el’a tuma tempo pa busca informacion, e lo a haya informacion. Pero e estilo di dje, cu un aire, manera masha gran cos, ta usa palabranan rechasabel pa asina trece su pregunta dilanti. Hopi baho!
Gerlien Croes ta cuestiona corte di cassatie den caso di Ernst & Young
Gerlien Croes den un forma bastante grocero, sin ningun consideracion, sin haci ningun pregunta humano, ta otro mas cu tabata mas enfoca riba un 3 miyon di schade cu Endy a claim Ernst & Young. E caso contra Ernst & Young ni a termina ainda y kisas ora e termina mes, ta aki 5 aña, pasobra Ernst & Young por acudi na hoger beroep y tambe na cassatie. Pero e hecho con Gerlien ta mas precupa cu e schade di Endy, pero no ta intresa den deporte y nunca a habri su boca riba e 86 miyon cu AVP a regala na Canada desde 2011.
Gerlien ta ganja play intresa den integridad, pero e mes a brasa e corupcion di Benny manera peluche. E sorto di hipocrecianan aki mester wordo exponi, y Endy Croes a conteste corectamente, cu ta spera un dia cu Gerlien lo pasa screening di Minister.
Marisol kier pa Endy laga e caso contra Ernst & Young cay
Marisol ta puntra si Endy lo laga e caso cay! Straño! Nunca nos a tende cu Marisol a puntra su casa Edsel, si el’a laga su negoshinan cu nv nan di gobierno cay. Marisol ta minister y Edsel su negoshi a sigui den nv nan di gobierno den su compania di accounant. E ora ta cu ki midi Marisol ta midi? El’a pidi su casa pa laga su negoshi cay cu nv nan di gobierno? Pues, ta ki clase di pregunta esaki?
Un set di parlamentarionan sushi, nasty, stinki stinki cu no ta victima, pero ta agresor di ministernan di Gabinete Wever Croes y ta spera awor tambe cu nan por recapacita y cuminza busca integridad den AVP mes! Cuminza haci AVP limpi di e ladronnan.
