ORANJESTAD – Riba diaranson, 15 di September, 2021, e ekiponan di AUA Airport y JetBlue Airways a celebra cu bolo y snacks, e di 15 “Blueversary” (aniversario) di JetBlue operando na Aruba.


Tur cos a cuminsa cu e anuncio na 2006 cu JetBlue lo cuminsa bula pa Aruba for di su base, New York su John F. Kennedy International Airport (JFK), cu buelonan diario. Dibiaha despues di esei na 2007 a lansa servicio semanal for di Boston (BOS), cu despues a bira servicio diario. Bo(so) ta corda e dia special na 2014 ora cu JetBlue a trese Aruba su di 1 miyon pasahero pa e aña ei pa Aruba?


Na Januari 2017, JetBlue a agrega servicio for di Fort Lauderdale (FLL), y na November 2020, su ultimo destinacion, Newark (EWR), a wordo agrega.


E network actual di JetBlue for di e area “northeast” y “south” for di Merca pa Aruba ta un testamento di JetBlue su confiansa continuo den e destinacion. JetBlue ta AUA Airport su carrier mas grandi actualmente, cu un market share di 27% di tur buelo cu ta sali for di Aruba. AUA Airport su partnership cu JetBlue ta hopi valioso y a crese fuerte y resiliente, specialmente durante e temponan dificil tras di lomba. Danki na e partnership fuerte crea den e ultimo 15 añanan, AUA Airport tin e confiansa cu AUA Airport lo sigui goza di un relacion fructifero cu JetBlue pa hopi aña mas.


Felis 15 Blueversary JetBlue!

LEAVE A REPLY

Please enter your comment!
Please enter your name here