Absurdo! Blunder! y Free for all
No tin ningun maneho ni regla pa entiero di personanan cu covid…
Tur loke tin ta gañamento, y no tin regla ni maneho, pues a la “bananen republiek”
Recientemente SOLO DI PUEBLO a confirma cu no tin un maneho drechi ni oficial con pa atende cu un persona cu fayece pa Covid.
Derecho di famianan ta wordo trapa den mal forma, violando e derecho humano, unda cada ken por despedi di nan ser keri na un forma digno.
Mientras cu rond mundo e entiero por tuma lugar ne forma normal y tradicional, na Aruba, esnan responsabel, DVG, Crisisteam y algun funeraria ta hunga wega sushi y ta trapa riba e derecho aki.
Bao un cantidad di mentira, nan ta keda mandabo di kashi pa muraya y djey purba na laba man tambe, pero nan a keda desenmascara, ora a bin sali na cla con Funeraria, DVG, Crisisteam ta MANIPULA famianan na nan antoho.
Maske DVG y Crisisteam kier nenga di ta interferi, tin pruebanan cu ta mustra cu DVG y Crisisteam hunto cu cierto funeraria cu ta abusa di situacion y kier chupa reglanan absurdo for di nan duim, cual ni WHO ni RIVM ta usa.
Den siguiente edicionnan nos lo bay desenmascara nan cu nomber y faam, pa asina pone un fin na e abuso aki.
NO LAGA NINGUN FUNERARIA GAÑABO!
Tur fayecido tin derecho di un entiero digno y di despedi di nan ser keri, sin metemento di Dvg of Crisisteam, cualnan ta violando te hasta derecho humano cu ta proteha e hecho cu cada famia tin derecho pa despedi di nan ser keri.
Hopi famia a cay den trampa di cierto funeraria cu a wordo ayuda pa DVG!
E informe aki lo tin continuacion y lo bira hopi intresante ora nos expone e berdad cruel loke a bin ta sosodiendo.
