Nos karakter ta identifica nos tur caminda cu nos bay. Hopi biaha un hende por ta bon studia, e por tin rikesa, e por tin hopi propiedad, e por ta bunita, of e por tin bon tipo,pero si su karakter no ta firme, cu respet pa su mes y otronan, tur locual cu e tin , no ta bay yude pa crece y permanece cu personalidad , den su bida.
Humildad den nos karakter , ta hopi esencial, hospitalidad den nos karakter ta un bendicion, ora nos ta yuda y comparti, gusta duna, no ta tur ora mester ta placa, of cuminda of panja, pero un palabra di aliento cu por sali for di nos boca, ta demostra cu Cristo Hesus ta biba den nos curason.
Pasobra pa medio di Cristo Hesus nos a sali for di scuridad y bini na lus , ya e bida bieu cu su pasionnan no ta domina nos bida, pero Cristo Hesus a bira nos prioridad, pesey nos nos ta wordo yama sirbido di Cristo.
Y e palabra di Dios ta bisa lo siguiente;
Awor pa e mesun motibo aki tambe, haciendo tur diligencia:
Anjadi na boso fe virtud,
Y na boso virtud conocemento,
Y na boso conocemento dominio propio,
Y na boso dominio propio, perserverancia,
Y na boso perserverancia,santidad,
Y na boso santidad carinjo fraternal,amor.
Pasobra si e calidadnan aki ta den boso y ta aumentando, nan lo no laga boso keda inutil ni sin fruta den e conocemento berdadero di nos Senjor Hesus Cristo.
Pasobra esun cu falta e calidadnan aki ta ciego,of no ta mira leu,y a lubida e purificacion di su picanan di antes.pasobra tanten cu boso ta pratica e cosnan aki, boso lo no trompica nunca.Pasobra di e manera aki,e entrada den e reino eterno di nos Senjor Hesus Cristo lo wordo provee abundantemente na boso.( 2 Pedro 1:5-11).
Pesey e palabra di Dios ta educa nos karakter bisando:
Y no sea conforme e mundo aki,ma sea transforma, pa medio di e renobamento di boso mente, pa boso por comproba, kico ta e bon, y agradabel y perfecto boluntad di Dios.( Romanonan 12:2).
Y no laga nos lubida locual e Palabra di Dios ta sinja nos den Tito 1:15-16 bisando:
Pa esnan cu ta puro, tur cos ta puro,ma pa esnan cu ta contamina, y cu ta incredulo,nada no ta puro,ma tanto nan mente, como nan consenshi ta contamina, nan lo profesa cu nan conoce Dios, ma cu nan hechonan nan ta nenga’ E. Pasobra nan ta abominabel y desobediente, y nan no ta sirbi pa nada bon.
Como mayor nos mester haci tur esfuerso y cu tur diligencia,pa nos yuinan lanta cu bon educacion, netji y decente, y wak bon cu ken nan ta cana pasobra e palabra di Dios ta bisa hopi cla:
No laga ningun hende ganja boso: Mal compania ta danja bon custumber, y mas ainda e palabra di Dios ta sigi sinja nos cu esun cu cana cu hende sabi, lo ta sabi, ma esun cu cana cu hende bobo, lo sufri danjo.( Proverbionan 13:20).
Y tambe no desea locual e malbadonan tin , pasobra bo no sa con e a hanje, ni tampoco di ki forma e a hanje, pasobra tin hopi influencer ta cana rond awendia, ta purba di tur manera di influencia nos hubentud cu materialismo, y cu perversidad, y nos sa cu tin un karakter monstruoso, tras di tur e cosnan cu ta pinta bunita.
Un bon conducta y obediencia na Dios ta hiba nos na santidad,y un bon karakter, pasobra ta esey ta locual Dios kier di nos..
Sinceramente, Pastor Marcel Balootje
