Durante aΓ±a academico 2022-2023 Instituto Pedagogico Arubano (IPA) ta ofrece dos estudio completo (voltijd) di 4 aΓ±a cualnan ta: e estudio pa maestro di EnseΓ±ansa Primario y e estudio di Bachelor Nederlands als Vreemde Taal. E estudio pa maestro di EnseΓ±ansa Primario ta forma maestro cu ta cualifica pa duna les na mucha di scol preparatorio (kleuter) y/of scol basico. E estudio di Bachelor Nederlands als Vreemde Taal ta un estudio pa bira docente di segundo grado esta tweedegraads di Hulandes pa e alumnonan di enseΓ±ansa secundario. Pues, cu e estudio aki bo por duna les di Hulandes na alumno di EPB, EPI, mavo y e prome tres aΓ±anan di havo y vwo. Pa informacion mas amplio di e estudionan bay na nos website www.ipaaruba.com, scoge βInitiele Opleidingenβ sigui pa βopleidingenβ y depues pa e estudio di bo preferencia. Aki bo lo haya entre otro informacion tocante contenido di e estudio, rekisito pa por haci e estudio y gasto di estudio.
Inscripcion pa aΓ±a academico 2022-2023 ta tuma luga online. Solamente studiante cu tin diploma di sea havo, vwo of mbo/EPI nivel 4 of cu ta den examenklas di un di e scolnan menciona por inscribi. Inscripcion pa e 21+Toets a cera dia 12 di november 2021, dus no ta posibel mas pa inscribi pa 21+ Toets pa aΓ±a academico 2022-2023.
Pa por inscribi bishita e website www.ipaaruba.com. Bay na aanmelden y scoge pa βBeroepstest Primair Onderwijsβ si bo ta inscribi pa e estudio pa maestro di EnseΓ±ansa Primario y scoge pa βToelatingstest Nederlands als Vreemde Taalβ si bo ta scoge pa inscribi pa e estudio di Bachelor Nederlands als Vreemde Taal. E ultimo dia pa inscribi ta 18 di februari 2022 pa motibo di e trayecto preparatorio cu e interesado mester cumpli cu ne. Despues di e fecha aki no por inscribi mas pa aΓ±a academico 2022-2023.
IPA ta invita comunidad di Aruba, specialmente tur persona interesa pa cuminsa un estudio na IPA pa βlikeβ e pagina di Facebook Instituto Pedagogico Arubano, pβasina keda na altura di tur e ultimo desaroyonan.
