Tin un miho luga pa hasi negoshi na Aruba, y e ta situa riba Eagle Beach mes. Elements Restaurant, situa na e renombra, adults-only Bucuti & Tara Beach Resort, a introduci su Executive Lunch nobo, un experiencia culinario di tres plato diseña pa profesionalnan cu ta busca un ambiente comodo y priva pa un almuerzo di trabou eleva. Disponibel durante dianan di siman for di 12:00 te 4:30 p.m. y cu un prijs di $23.50 pa persona, e Executive Lunch ta inclui un escogencia di entrada, plato principal y postre, hunto cu un bebida no-alcoholico gratis.
Reconoci como e restaurant No. 1 di Fine Dining den Caribe segun TripAdvisor, Elements ta situa directamente riba e parti mas amplio di Eagle Beach, ofreciendo un bista panoramico di lama for di tur asiento. Bo por escohe entre e interior elegante, cu aire acondiciona, cu bentanan di piso te blafon cu ta laga e bista espectacular di e lama drenta, of e terraza habri cu ta permiti e brisa suave y e zonido di lama drenta. E ambiente ta trankil, e servicio ta atento, y e privacidad ta real, cual ta exactamente e tipo di ambiente cu ta dificil pa haya na otro luga riba e isla durante un dia druk den siman. Pa mantene e ambiente aki, e Executive Lunch ta obtenibel pa reunion nan chikito, cu reservacion di grupo acepta pa un maximo di seis persona.
E menu di Executive Lunch ta refleha e filosofia distintivo di Elements di farm-to-future, combinando inspiracion Mediterraneo cu influencia Caribense y un enfoke fuerte riba ingredientenan fresco y localmente abasteci. E menu ta cambia regularmente pa mantene interesante. Huespednan cu ta desea di ordena fuera di e menu fiho, tambe ta bonbini pa asina explora e menu completo di almuerzo à la carte.
“Nos kier duna nos comunidad di commerciantenan local un bon rason pa sali for di oficina durante orario di almuerzo,” ta locual Nicolas Nemalceff, Director di Food & Beverage na Bucuti & Tara Beach Resort a bisa. “Elements ta ofrece algo diferente: un espacio keto, bunita, caminda por tin un conversacion ameno. Bon cuminda, un bista espectacular sin ningun distraccion. E combinacion aki nan ta dificil pa iguala.”
Reservacion ta recomenda y por wordo hasi via elementsaruba.com, pa medio di e-mail na elements@bucuti.com, of yama +297 583 1100 ext. 109. Tuma nota cu Elements no ta acepta placa efectivo, por solamente paga cu carchi.
