Tur cos ta permiti , ma tur cos bo ta cumbini, tur cos ta permiti pa mi,ma mi lo no laga nada domina mi.Cuminda ta pa stoma,y stoma pa cuminda,ma Dios lo caba cu tur dos. Sinembargo e curpa no ta pa inmoralidad, ma pa Senjor, y Senjor ta pa e curpa.
Boso no sa cu boso curpanan ta miembronan di Cristo,Lo mi kita e miembronan di Cristo anto, y haci nan bira miembronan di un prostituta. Di ningun manera, Of boso no sa cu esun cu uni su mes cu un prostituta ta un curpa cune? Pasobra e ta bisa; “ E dosnan lo bira un carni. Ma esun cu uni su mes cu Senjor ta den un spirito cun’E.
Huy for di inmoralidad. Tur otro pica cu un hende comete ta pafo di e curpa, ma e hende inmoral ta peca contra su mes curpa.
Of boso no tabata sa cu boso curpa ta tempel di Spirito Santo, Kende ta den boso tin di Dios,y cu boso no ta pertenece na boso mes?
Pasobra boso a wordo cumpra pa un prijs , Pesey glorifica Dios den boso curpa.( 1 Corintionan 6:12-20).
Hopi biaha hende ta bisa nan a bay trip, of a bay parandia y su manise nan ta lanta cu un curpa maltrata, yen di dolor, cabes ta morde, stoma ta morde y tur locual bo por spera despues di un paranda, den un palabra bisa un curpa wayaba, un curpa na werki.
Pasobra bo curpa no ta traha pa soporta cosnan cu ta contra su naturalesa, bo curpa no ta traha, pa wordo yena cu droga y alcohol, come malo, come demasiado laat anochi y perde hopi sonjo.
Mayoria cu hende ta pasa den accidente marduga, ta pasobra ta un curpa cu for di ayera mainta a lanta y a yega cas atardi y no a sosega, pero a dal un banjo, y atrobe a sali caya, y den marduga e curpa ta exigi sosiego y sonjo ta bini cu su consecuencia.
Hende ta kere cu tur cos por, hende ta kere cu e ta donjo di su mes. Pero si di berdad bo ta un yiu di Dios, anto e ora ey Dios ta maneha bo bida, bo tin un donjo, bo ta petenece na Dios, pasobra e Spirito di Dios ta biba den bo.
Awor ora bo uni bo mes cu otro hende cu no ta respeta Dios, semper por bini diferencia di opinion, pasobra e Spirito di Dios cu ta den bo, ta pone bo sinti cu tin algo cu no ta bon.
Boso no sa cu boso ta tempel di Dios,y cu e Spirito di Dios ta biba den boso? Si un hende destrui e tempel di Dios,Dios lo destrui e. Pasobra e tempel di Dios ta santo y esey ta locual boso ta. ( 1 Corintionan 3:16-17).
E hende misericordioso ta haci bon na su mes alma,ma e hende cruel ta tormenta su mes carni. ( Proverbionan 11:17).
No sea conforme e mundo aki, ma sea transforma , pa medio di e renobamentu di boso mente, pa boso por comproba kico ta e bon, y agradabel y perfecto boluntad di Dios.( Romanonan 12:2).
Ta tempo pa hende realisa cu ora bo ta slons bo curpa den parandiamento, cu e pensamento cu ta bon bo ta haci, of ora bo tin relacion sexual cu diferente hende , ta un persona great bo ta, bo maltrata un curpa cu no ta di bo.
Nos curpa ta pertenece na Dios, no na nos mes.
Sinceramente, Pastor Marcel Balootje
