: SKOA ta continua cu inscripcion pa tur mucha cu ta bay cuminsa eerste klas. Mayornan por scoge for di un total di 26 scol basico cu ta ofrece luga pa muchanan cu ta bay cuminsa eerste klas.
Kico ta e beneficionan di SKOA?
SKOA ta e organisacion di educacion mas grandi na Aruba y ta ofrece educacion di calidad halto cu un curiculo completo cu ta enfoca ariba e desaroyo y crecemento di cada alumno y studiante. SKOA ta enfatisa ariba balornan Catolico, comunicacion na nivel multilingual, diversidad, innovacion y actividadnan extra-curicular. Como mayor bo por ta sigura cu bo yiu(nan) lo ricibi un educacion completo na SKOA. Si bo kier pa bo yiu experiencia un forma diferente pa siña, tuma e prome paso pa aventura y crecemento y inscribi’e na SKOA!
Con pa inscribi na SKOA?
Por inscribi via nos website www.skoa.aw completamente online. Por inscribi via email door di manda SKOA un email na aplicacion@skoa.aw. Por inscribi via WhatsApp door di manda un mensahe directo na +297 7485995 y sigui e proceso pa completa e inscripcion. Pa mayornan cu ya caba tin yiu inscribi na SKOA por haci inscripcion di e yiu cu tin cu cuminsa eerste klas basis, via nos systema di SAS. Ora di inscribi mester pone bon atencion ariba e documentonan cu ta necesario pa asina por cumpli cu e proceso di inscripcion di bo yiu.
Mayornan cu inscribi nan yiu pa eerste klas ta haya un periodo di 6 siman pa asina por cumpli cu e pago di schoolgeld pa e aña escolar venidero. Despues di 6 siman, si e pago no a wordo completa, e cupo di inscripcion ta wordo cancela cu consecuencia cu no lo bay tin un luga sigura pa e yiu cuminsa eerste klas e proximo aña escolar.
Mayornan por cuminsa cu e proceso di inscripcion mas pronto cu ta posibel pa asina sigura e luga pa nan yiu pa e proximo aña escolar. Pa mas informacion tocante inscripcion na SKOA por bishita nos website www.skoa.aw of por yama na liña directo 5231800.
