Diahuebs merdia e conocido Bobby de Kort a haci un denuncia publico contra un señora Colombiana cu a maltrate. Segun Bobby, nos ta perdiendo nos pais. Bobby a conta cu diaranson ela para bandi caminda pa su señora cumpra fruta na un Dominicana na Roco Plaza. Bobby a bisa cu e tabata sinta den su auto ta conversa cu un mucha band’i caminda y para cara pariba. Tin un señora ta bende pisca den un jug chikito, sinta eybao. Segun Bobby a splica, e dama Colombiana a wak su persona para eynan, y a wak cu su casa ta cumprando fruta. Diripiente un señora flaco a ranca bay riba Bobby, bisando Bobby cu e tereno ey ta priva y ta di dje te na caminda. Bobby a bise cu e no ta ningun bobo y sa cu dos meter band’i caminda, ta propiedad di pueblo.
E ta un lugar cu nan ta huur pa bende fruta. Segun Bobby e conoce e señora aki cu a bini cumpra un ves serca dje y a cuminza grite cu su pisca ta caro. Ta un señora masha fresco mes.
Bobby a sigui bisa cu el’a splice cu su jug ta bashi y cu e no tin ningun pisca, pues cu e no ta bendiendo pisca. E señora a cuminza grita cu e ta Arubiano y cu Bobby tin cu hala. Nan a hasta yama polis. Bobby ta asombra cu e actitud aki y ta puntra unda nos ta bay? Con nos por ta trata otro dje forma aki den nos pais? Asina aki nos ta wordo trata? Nos ta perdiendo nos pais, Bobby a termina bisando.
