Di 9 pa 16 juli 2021 a tuma lugar e campeonato Junior Pan American Weightlifting Championships ne ciudad di Manizales, Colombia. E evento aki ta clasificatorio pa e Weganan Panamericano Juvenil cu lo tuma lugar e anja aki na Cali, Colombia.
Pa Aruba a biaha e atleta Jeremy Dijkhoff cu ta hisa den categoria di 96kg y como entrenador Walter Llerena. Nos por bisa esaki ta bira e prome compeencia internacional di e atleta Jeremy pa e anja aki. Jeremy cu a sigui cu su training nan durante di e pandemia a bai bon prepara.
Den categoria di Jeremy tabata tin 13 atleta fuerte di e Continente Panamericano den e competencia Jeremy ta logra den su hisadanan den snatch ta hisa 110kg, clean & jerk 135kg pa un total di 245kg cu e total aki Jeremy ta kibra su propio record di Aruba cu un progreso di 35kg total den categoria di juvenil Sub-17. Cu e resultado aki Jeremy ta termina na di 12 lugar. Ganador den e categoria di 96kg a resulta medaya di Oro a bai pa Colombia, Medaya di Plata pa Ecuador y Brons pa Mexico.
Aruba Amateur weightlifting Association kier a manda palabra di gradicimento na Comite Olimpico Arubano y Setar NV cu a cubri e gastonan di participacion na Junior Pan American Weightlifting Championships na Manizales, Colombia y palabra di felicitacion na atleta Jeremy Dijkhoff cu a kibra su record cu 35kg y entrenador Walter LLerena.
