Eagle – Diamars mainta polisnan a bay pa para un Nissan Skyline ariba e Eagle strip, pero e chauffeur a spanta y a purba core pa polis pero no a yega mucho leu.
Polis a mira con e a auto a perde control baha caminda y dal contra un mata di kwihi.
Dos ocupante a baha y core bay pariba, unda cu polisnan a perdenan.
Aki ta unda cu e agentenan di strand super atento tawata sa cu algo no ta cuadra, fuera di e a haya rond di e auto pildernan di loke ta mustra di ta ecstacy y otro droga.
Agentenan a keda tira bista unda e hombernan a core y despues di scrutina e area un agente a mira algo bou di un Toyota Yaris. E auto aki tawata staciona patras di Chalet Suisse.
BINGO
Momento cu e agente a sak y mira bon e ta un mira un arma di candela cu ta usa peña bou di e Yaris benta. Un poco mas leu e balanan y parti di e arma manera spring unda e peña ta sinta.
Mesora a tene tur hende leu di unda esaki a wordo haya y a pidi pa BFTO cu a yega. Despues cu e departamento tecnico a saca potret e tecnico a bay over pa piki un di evidencia.
Na final por a mira con e agente cu cuidou y bisti cu latex gloves ta piki e arma di candela, poniendo tur cos den saco/nan di papel pa investigacion.
Locual esnan cu a trata di deshaci di e arma no a tene cuenta cu ne ta cu unda e la wordo benta tin Security Cameras.
Asina nos por mira cu un bon trabou di algun agente di Strandpolitie super atento a bin haya un arma di candela parecido na un Glock bou di un auto benta.
Awor autoridad sa unda pa busca y ken nan mester bay busca pa duna cuenta.
