Pa Addonsito Croes
Cu hopi cariño ami, Addonsito Croes, ta felicita juffrouw Edselin Figaroa y e comicion di mayornan di Muchanan Sabi. Recientemente mi tawata MC pa e 4 shownan di Bos Escolar 2021 den Cas di Cultura. Tawata 4 funcion di 3 ora cada un y e mas cu 50 cantantenan infantil y hubenil a ricibi aplauso grandi di e publico cu tawata presente. Danki na e casnan comercial y fundacionnan cu a sa di sostene e festival. E ganadonan absoluto a ricibi tur 4 sumanan bunita pa nan scol. Cada participante a ricibi regalo y recuerdo pa nan participacion. Danki tambe na Telearuba, cu a sa di transmiti e festival di canto pa henter Aruba por a disfruta di Bos Escolar 2021. Sigur mi ta felicita y gradici tambe cada miembro di hurado cu a copera cu e festival. Ta pidi un y tur pa keda pendiente como cu e siguiente paso ta e “Bos Escolar ABC”! Un biaha mas danki Edselyn Figaroa y team pa a permitimi dirigi e evento bunita y unico aki. Pabien cada participante y ganado!
