Dialuna atardi pa mas o menos 5’or y 15 a sosode un accidente serio cu quadracer riba e t-weg di Pastoor Kranwinkel School na Paradera.
Esnan cu a mira of a bin topa locual a sosode, mesora a bati alarma.
Den algun minuut, ambulance y polis a yega.
Paramediconan a yega y ta bin topa cu un cabayero benta riba caminda, cu su cabes cerca di e acera e no tawata reaciona.
Mas panort su quadracer benta, casi riba e caminda grandi di Paradera pa Babijn.
LOCUAL TA PENSA CU POR A PASA
Ariba e caminda a keda un rastro basta largo y segun polis un punto unda e lo cay cu e quadracer.
Ta specula cu kizas velocidad poco halto a pone pasa over di e drempel pazuid y a bay na su man robes.
Eynan a machine tambe a bay di banda lastra y sacando e manehador bent’e pariba di caminda.
Rapidamente Paramediconan a move pa lant’e y transporte cu urgencia bou escolta di un polis motorisa direccion Hospitaal.
Polis di trafico, Bfto y demas instancianan manera Slachtofferhulp tur a wordo poni na altura mirando e seriedad di e accidente.
