Brazil ta gana Alemania den futbol weganan Olimpico Tokyo 2020

0
43

Despues di a mira un bon wega entre Mexico y Francia a sigui un wega cu tabata revancha di weganan Olimpico di Rio 2016 unda cu e final a wordo disputa entre Brazil y Alemania.

Den final na Rio, Brazil y Alemania a bay over na tironan for di punto penal y aki Neymar Jr. a anota e gol di victoria pa asina Brazil gana su prome medaya di oro den seleccion masculino di futbol cual tabata e unico titulo cu nan tabata falta den nan vitrina.

Brazil ta den busca di defende nan titulo di medaya di oro a cuminsa e wega aki rapido, na di 7 minuut ta bay ariba cu score di Richarlison cu ta haci e wega 1-0.

Brazil y Richarlison tabata hungando un bon wega y tabata na di 22 minuut un biaha mas tabata Richarlison ta haci e wega 2-0 na fabor di Brazil.

Richarlison den prome mitar tabata candela y na di 30 minuut ta score su hat-trick pa haci e wega 3-0 na fabor di Brazil.

Den extra minuut di prome mitar, Brazil ta haya un tiro penal, pero Matheus Cunha ta faya e tiro aki y asina prome mitar ta bay den descanso cu score di 3-0 na fabor di Brazil.

Den di dos mitar Alemania a hunga mihor futbol cu den prome mitar, tabata na di 57 minuut, Nadiem Amiri ta corta ventaha y ta anota e prome gol pa Alemania.

Na di 84 minuut, Alemania ta haci e wega mas interesante caminda ta anota e di dos gol di wega pa medio di Ragnar Ache cu a haci e wega 3-2.

Pero ya den extra tempo duna door di referee, Brazil ta sigura su victoria pa medio di Paulinho cu ta haci e wega 4-2 na fabor di Brazil pa asina bay cu victoria cu score di 4-2.

Den otro wega di grupo D, Ivory Coast ta gana Saudi Arabia cu score di 2-1, golnan di Ivory Coast tabata un auto gol di Al Amri y Franck Kessie, gol di Saudi Arabia tabata di Al Dawsari.

LEAVE A REPLY

Please enter your comment!
Please enter your name here