Esaki ta e oportunidad pa train na Brazil Taekwondo Stichting hunto cu e team di Train Hard Fight Smart pa siña y practica Taekwondo. Por acudi na e gymzaal di Tarcisius Kleuterschool situa na Brazil 39-A, for di 5’or pa 6’or di atardi pa mucha di 5 aña te cu 13 aña y 6’or pa 7’or di anochi pa mucha y adulto for di 14 aña bay ariba. Training ta Dialuna, Diaranson y Diabierna y for di 20 te cu 31 di Augustus tin proefles.
Les ta wordo duna door di e legendario Alberto Klabér y algun miembro elite di e team di Train Hard Fight Smart.
Train hunto cu e team di Train Hard Fight Smart cu a representa Aruba rond mundo, participando den campeonato Mundial, Pan Americano y den teamnan di TK3, TK4 y TK5 na Corsou y Suriname unda cu a gana e Copa pa varios aña. E team di Train Hard Fight Smart a representa Aruba for di Corsou te na Korea, Korea ta madre patria di Taekwondo y eynan a logra gana Oro, Silver y Brons. Rumannan Klabér a representa Hulanda den Nederlandsche Kampioenschappen y Zahyon Klaber ta dos aña consecutivo campeon di Hulanda, mientras cu Joshua Klaber ta sub campeon.
Biahando rond Mundo representando Aruba bou guia di coach Master Alberto Klabér y for di ex campeon Mundial, campeon di Europa, Olimpico Master Henk Meijer.Atletanan di Brazil Taekwondo Stichting a participa den Camp Training na Europa y Latino America.Brazil Taekwondo Stichting su team di Train Hard Fight Smart ta forma atletanan for di e comienso te cu atletanan elite.
Probecha di e oportunidad pa train cerca Brazil Taekwondo Stichting.
Bira docente y train Taekwondo, bira Polis y train Taekwondo, bira bodyguard y train Taekwondo y asina por sigui menciona. Mas informacion tocante di e plan di 2022/2023 por haña ariba e dianan menciona aki riba. Follow nos ariba e Facebook Page di Stichting Brazil Taekwondo.
