Diadomingo marduga algo pasa di 3’or y mey polis a bay cu urgencia dilanti San Francisco di Asis Pro-Cathedral na Playa. Un accidente serio di trafico lo a sosode, y un persona lo no tawata reacciona.
E accidente a sosode momento cu un cabayero di edad poco bebi a subi caminda net dilanti e brommer.
Aki ta unda e brommer a dal’e y despues a pega candela.
Brandweer y 2 ambulance a presenta. Na prome instante a pensa cu e ciclista no tawata duna señal di bida pero esaki no tawata e caso. E homber cu tawata riba acera poco poco a bin bij y polis y Paramediconan tawata comunica cu ne.
Mucho informacion e tawata duna, por a scuche ta bisa cu e ta biba na San Nicolas e la pensa cu ta un auto a dal e.
Pa locual ta e motociclista e la ricibi mas golpi cu e ciclista mes y mester a wordo traslada pa Hospitaal.
E brommer a kima completamente, posiblemente durante e impacto, algun chispa por a start e candela.
