E prome y unico resort certifica como carbon-neutral den Caribe, Bucuti & Tara Beach Resort, Aruba, un biaha mas ta extende Dia di Tera na Siman di Tera. Cuminsando e siman riba Dia di Tera, april 2022, e esfuerzo colaborativo di e aña aki a trece hunto mas di 125 boluntario di Aruba Conservation Foundation (ACF), y miembronan clave di e Comite di Medio Ambiente di AHATA incluyendo, Aruba Airport Authority (AAA), Amsterdam Manor Beach Resort, Boardwalk Boutique Hotel, De Palm Tours, JOIA Aruba by Iberostar, Marriott Resorts & Casino, y e team di AHATA. Danki na transporte gratis provee pa De Palm Tours pa apoya e iniciativa aki, e grupo a reuni pa 8:15 a.m. pa cuminsa cu loke a bira un di e limpiesanan mas significativo te cu awor, estableciendo un tono poderoso pa un siman di accion y conscientisacion ambiental.
Di Resort pa Ref, Comunidad y Huespednan Ta Uni pa Decadanan di Tradicion di Limpiesa di Beach
E Dia di Tera aki ta marca e continuacion di un di e tradicionnan ambiental di mas largo duracion na Aruba: e Limpiesa Mensual di Beach di Bucuti & Tara Beach Resort. Pa mas di 30 aña, e iniciativa mensual aki ta un piedra angular di e compromiso duradero di e resort pa preserva e bunitesa natural di e isla, envolviendo huespednan, staf y e comunidad en general den accion ambiental practico y anima. Cada aña, mas di 1.000 liber di desperdicio ta wordo colecta sigur y sea recicla of deshaci di dje na un manera responsabel pa e resort.
Pa celebra Dia di Tera 2025, y como miembronan activo di e Comite di Medio Ambiente di Aruba Hotel and Tourism Association (AHATA), Bucuti & Tara a extende un invitacion special na otro miembronan di comite pa uni na un limpiesa na gran escala di e costa di Sasarawichi Dunes, un area esencial pa e salud costal y biodiversidad di Aruba. Hunto, tur hende a limpia mas di 1.5 KM di e area di Sasarawichi. E esfuerzo colaborativo aki ta resona cu e legado di e propietario y CEO di Bucuti & Tara, Ewald Biemans, kende decadanan pasa a inicia e programa pionero di AHATA “Sponsor-a-Mile”. E esfuerzo inicial ey a uni hotelnan rond di e isla pa asumi responsabilidad pa un pida beach of area circumdante designa, poniendo e fundeshi pa e partnernan ambiental di awe riba henter e isla.
“Na Bucuti & Tara, Dia di Tera no ta solamente un fecha riba calendario, e ta un forma di bida,” segun Crescenzia Biemans, Chief Corporate Officer di Bucuti & Tara Beach Resort. “Sostenibilidad ta hinca den cada decision cu nos ta tuma, tur dia di aña. Nos programa di Siman di Tera 2025 ta diseña pa inspira accion cu ta bay hopi mas leu cu un solo dia. E limpiesa di beach awe tabata extra special pasobra el a trece hunto mas di 125 boluntario di otro hotelnan, organisacionnan, y e comunidad. Nos ta hopi agradecido na tur esnan cu a uni cu nos. Ta e spirito di unidad aki ta haci e impacto mas grandi, pasobra solamente hunto nos por enfrenta e reto di cuida nos planeta.”
Actividadnan di Siman di Tera 2025
Bucuti & Tara lo continua e siman cu un lista di actividadnan significativo y enfoca riba sostenibilidad. Huespednan por disfruta di un presentacion special di e documental nobo y impactante di Aruba, Turning the Tide, den e buskeda di e isla pa salba e coralnan circumdante. Nan por participa tambe den un les di traha cocktail Zero Waste. Tur hende ta bonbini pa registra online pa e di 4 Caminata y Core pa Cacho Caritativo Anual pa recauda fondo pa Stimami Sterilisami, e fundacion sin ganashi pionero funda pa e resort cu a provee mas di 40.000 procedura di sterilisa/castra na cachonan y pushinan local, mehorando bienestar animal den henter Aruba.
Cu su programacion comprensivo di Siman di Tera, Bucuti & Tara ta sigui lidera e caminda den biahe regenerativo, creando un experiencia di resort unda luho relaha y sostenibilidad ta bay man den man.
Pa siña mas, bishita Bucuti.com.
Tocante Bucuti & Tara Beach Resort
Declara e prome hotel certifica CarbonNeutral® den Caribe na 2018, Bucuti & Tara Beach Resort ta e No. 3 Hotel den Caribe y No. 21 Hotel den Mundo segun Tripadvisor. E resort boutique di solamente adulto di mas halto calidad di Aruba ta wordo lidera pa e hotelero y ambientalista celebra, Ewald Biemans, kende ta posee hopi reconocemento incluyendo multiple premio di Hotelero di Aña. E resort ta situa riba e santo blanco manera pupuder di Eagle Beach, hogar di turtuganan di lama protehi y nombra un di e “Beachnan di Soño di Mundo.”
Hogar di e Experiencia di Vacacion di Mas Sigur y Saludabel di Caribe y e seyo di Aruba su Codigo di Salud y Felicidad, Bucuti tin 104 camber di huesped, suite y penthouse bon ekipa. E ta ofrece cama di solo y sombra pa cada huesped; piscina infinito di awa dushi; spa; WiFi; y iPad gratis pa uzo durante estadia. Experiencia di cuminda saludabel premiado ta wordo disfruta na Elements cu bista riba lama, Tara Lounge y cena priva na beach. Reserva exclusivamente pa huespednan y nan amigonan, e SandBar den aire liber ta ofrece cocktailnan di calidad superior y musica live tur dia hunto cu e prome Healthy Hour di Caribe. E resort ta IGLTA y TAG Approved® como un hotel LGBTQ-friendly. Bucuti & Tara, un lider mundial den turismo sostenibel, ta posee eco-certificacionnan di CarbonNeutral®, LEED Gold, Green Globe Platinum y Travelife Gold y a wordo nombra e Hotel/Resort Mas Sostenibel di Mundo na 2016 pa Green Globe. E resort ta ehempel di un compromiso integral na e Obhetivonan di Desaroyo Sostenibel di Nacionnan Uni y Nacionnan Uni a considera e programa di sostenibilidad di Bucuti & Tara como “altamente replicabel y escalabel” pa hotelnan mundial imita.
