Bucuti & Tara Beach Resort ta celebrando Siman Internacional di Housekeepers 2024 honrando su ekipo dinamico di profesionalnan di housekeeping cu un siman di actividadnan special pa reconoce e trabou increibel cu nan ta haci cual a yuda pone Bucuti & Tara entre e Top 25 Mihor Hotelnan na Mundo y Top 3 den Caribe riba TripAdvisor pa e ultimo 3 aña consecutivo.
Celebrando heroenan di hospitalidad
E resort ta tuma cualkier oportunidad pa celebra e trabou duro di su team, pero e siman aki ta dedica specialmente na su team di housekeeping, paso aunke nan no ta normalmente den bista di huesped, e trabou duro cu nan ta haci y e standardnan stricto cu nan ta adheri na dje semper ta na bista na e resort cu ta reconoci pa wordo manteni meticulosamente danki na su team fantastico.
“E miho sentimento cu mi ta sinti ora mi yega trabou na Bucuti & Tara Beach Resort ta ora mi ta mira mi team di housekeepers y housemen mainta trempan,” Elston Cilié, Executive Housekeeper di Bucuti & Tara Beach Resort ta conta. “E dedicacion cu nan tin pa cumpli y hasta supera e deseonan di nos huespednan ta nada mas cu inspirante. Esaki ta crea un ambiente di pas y felicidad tur dia y mi ta hopi orguyoso di nan. ”
Pa honra nan, e resort a organisa lo siguiente:
- Desayuno di apertura. Siman Internacional di Housekeepers a cuminsa cu un desayuno celebrativo pa e ekipo di Housekeeping Dialuna, 9 di September. E camaraderia tabata hopi fuerte senti mientras cu nan a disfruta di un buffet di desayuno saludabel prepara door di e team culinario premia di Elements Restaurant, e restaurant principal di e resort. Tur empleado den e departamento a ricibi un termos colorido personalisa como regalo pa corda e siman feliz aki.
- Diversion competitivo. Dia 10 di September, nan a cambia e ambiente trankil di nan trabou na resort pa un atardi yen di diversion competitivo na Eagle Bowling. E team ganado tabata Jermin Martina, Georgia Brown, Steve Thiel, y Brendolyn Bennett, cu Martina como e persona cu a haya e score individual mas halto di 167 punto. Tur hende a descubri rapidamente cu e housemennan tin talento scondi y ta excelente bowlernan, mientras cu otro a disfruta door di haci joke y tira nan balanan di bowling den e pistanan fout. E atardi yen di ambiente y harimento tambe a inclui algun empleado cu a cambia di pista pa scohe snacknan di otro team, dos resbalonan (sin herida), y a resulta cu tur hende tin talento scondi pa bowling.
- Relahacion riba awa. Diariamente, huespednan ta pidi recomendacion personal di e team confiabel di Bucuti & Tara tocante e mihor manera pa disfruta tur cos cu nos isla tin pa ofrece. Un sugerencia preferi – mira e show di lus natural cu Mama Naturalesa ta ofrece cada atardi y anochi. E team di Housekeeping a sali riba catamaran for di Pelican Pier pa haya un bista di prome fila di un di e atardecernan unico di Aruba. Loke a cuminsa como un paseo trankil a rapidamente cambia den un fiesta di baile spontaneo. Mientras e boto tawata deslisa riba e awa kristalino, un playlist alegre a pone tur hende para y baila bou di un shelo radiante.
- Un banquete pa sentido. Pa cera e siman special aki, e ekipo di housekeeping lo uni pa un cena special na Texas de Brazil unda nan lo festaha cu cuminda ilimita.
“Siman Internacional di Housekeepers ta un di nos simannan preferi aki na Bucuti & Tara Beach Resort paso nos ta orguyoso di por ta celebra nos team sobresaliente cu ta cuida Bucuti & Tara y nos huespednan constantemente, profesionalmente y cu hopi placer,” Rik van der Berg, Resort Manager di Bucuti & Tara Beach Resort, ta comparti.
E plan di beneficionnan mas amplio di personal na Aruba
Aunke Siman Internacional di Housekeepers ta wordo celebra cada aña, Bucuti & Tara ta orguyoso pa duna tur su empleadonan e programa di beneficionan mas amplio na Aruba tur aña rond. Esaki ta inclui compensacion competitivo, training y educacion continuo, plan di cuido medico priva, programa di asistencia pa empleado, 5-dia di trabou, dia liber cu pago, un ambiente di trabou seguro, descuentonan na diferente compañianan, cuminda saludabel, membrecianan di gym na Cuts & Curves y Bodyzone, un savings & loans program cual ta inclui green loans pa por cumpra productonan sostenibel manera solar panels, vehiculonan electrico (cu por wordo charged na trabou completamente gratis), etc., asistencia pa mascota via Stimami Sterilisami y hopi mas. E strategia amplio di bienestar di resort ta pone prioridad riba e salud fisico y mental di su empleadonan, reconociendo cu un ekipo mas saludabel ta crea un ambiente di trabou mas positivo y un mihor servicio pa huespednan.
Pa haya sa mas, bishita Bucuti.com.
