Recientemente Bureau Traimerdia a celebra e Ceremonia di Graduacion pa e muchanan di Traimerdia di klas 6 na e Ballroom di Ealge Aruba Resort.
Tawata un atardi hopi special, emocionante, cu yen di alegria, orguyo y speransa.
Durante e atardi e graduadonan a ricibi nan Certificado di logro for di e directora di BTM, sra.Marelene Van Der Linde, conhuntamente cu lidernan y cabesante di cada Centro.
E muchanan a sa di demostra nan crecemento, desaroyo y resilencia cu nan a mustra durante henter e añanan.
Un danki special ta bay pa Eagle Aruba Resort, pa cu nan apoyo continuo. Nan colaboracion ta un parti fundamental di nos mision pa brinda e muchanan un experiencia excepcional durante nan graduacion. E generosidad y confiansa sigur tin un impacto duradero. Danki pa habri porta di boso cas y pa permiti nos un biaha mas haci’e nos cas di Graduacion 2024-2025. Masha danki pa ta un stakeholder asina increibel y pa e bunita regalo cu a duna tur nos muchanan, lider, cabesante y directora.
Masha pabien na tur graduado, na nan mayornan, tur cabesante y lider. E logro di e muchanan ta e refleho sigur di e trabao duro, perseverancia, dedicacion, determinacion, motivacion, guia y amor cu a brinda na nos muchanan tur dia.
Nos ta celebra e logro aki hunto cu gratitud y orguyo. Danki na tur hende cu a haci e dia aki special y posibel.
BTM ta desea tur mucha un dushi vakantie y ta sigui curasha nan pa sigui studia, siña y sigui desaroya nan talentonan pa logra nan meta y asina den futuro por contribui na e desaroyo di nos Pais Aruba.
