Recientemente Bureau Traimerdia Aruba ( BTM ) a celebra un e atardi di graduacion pa e muchanan di Traimerdia grupo 8, di 6de klassers.
![](https://solodipueblo.com/wp-content/uploads/2024/07/20240705_145140-1024x1024.jpg)
Un evento cu a tuma luga den e Eagle Aruba Resort Ballroom.
Durante e atardi yena cu alegria y emocion, e graduadonan di Traimerdia a bin hunto pa asina celebra nan gran logro. Den compania di tur centrumhoofd y lidernan hunto cu demas invitadonan a pasa un atardi ameno.
![](https://solodipueblo.com/wp-content/uploads/2024/07/20240705_145100-1024x1024.jpg)
Programa graduacion di e atardi aki tawata un combinacion di speaker motivacional; Sr. Johnny Boekhoudt, actuacion di grupo di baile Chaz Dancers (bou encargo di Chastity Hodge); y Youth Celebraty Artist; Travis Tucker.
![](https://solodipueblo.com/wp-content/uploads/2024/07/20240705_144923-1024x1024.jpg)
BTM ta gradici na tur cu a sa di brinda nos, nan sosten y ayudo y asina nos por a brinda na nos muchanan un atardi Celebracion di Graduacion magestral y exitoso.
BTM ta felicita cada un di e graduadonan conhuntamente cu nan mayornan, tur centrumhoofd y lidernan pa nan esfuerso y determinacion durante e aña escolar 2023-2024.
![](https://solodipueblo.com/wp-content/uploads/2024/07/20240705_144446-1024x1024.jpg)
Ta spera cu e aña escolar 2024-2025 cu lo cuminsa na augustus ta uno sumamente positivo y exitoso un bes mas!