Tin un palabra cu hopi hende ta usa bisando: Bo mester di experiencia di Caya, bo mester di experiencia di bida, anto hopi biaha e ta wordo aplica negativamente, pasobra hopi ta kere cu bo mester a purba tur cos, entre otro, droga alcohol, paranda, inmoralidad anto esey nan ta duna bo experiencia.
Pero den e palabra di Dios tin asina tanto experiencia cu por libra bo di tur sorto problema y si bo aplica nan den bo bida di berdad, lo bo tin pas den bo curason, den bo hogar y den bo famia.
Palabra di experiencia pa nos bida.
Mateo 4;4 : Ma E a contesta y a bisa; Ta para scirbi. Hende lo no biba di pan so,ma di tur palabra cu ta sali cu ta sali for di boca di Dios.
Salmo 34:11-16:
Bin yuinan. Scuchami lo mi sinja boso temor di Senjor.
Ta ken ta e hende cu ta desea bida largu, pa e por mira bondad?
Warda bo lenga di maldad, y bo lepnan di papia enganjo.
Aparta bo mes for di maldad y haci bon. Busca pas y sigui’e.
E wowonan di Senjor ta riba e hustonan, y Su oreanan ta atento pa scucha nan sclamacion.
E cara di Senjor ta contra e hacidornan di maldad, pa corta e recuerdo di nan kita for di riba tera.
Un splicacion hopi cla den e Salmo aki, kier bisa na nos tur , cu si bo kier mira bon. Of ricibi bondad, bo mester haci bon.
Si bo no stop di haci malo, e cara di Senjor lo bira contra bo, y cos lo bira duro pa bo, pasobra esun Todopoderoso su man ta riba bo.
Te ora yega e momento cu bo arepenti y aparta di maldad.
E yiu prodigo cos a bay malo pe te ora e a bin bij y arepenti y bay cas bek y pidi su tata despensa.
Hopi biaha hende por pasa den hopi cos, y nan ta pensa cu ta haters y hasta pensa den bruheria, pero ta e man di Dios cu kier pone un paro na nan maldad ta primi nan.
Salmo 143:8.
Laga mi tende Bo misericordia den mainta, pasobra den Bo mi ta confia, sinjami e caminda cu mi mester cana, pasobra na Bo mi ta halsa mi alma;
Nos tur mester di ayudo y guia di Senjor, nos mester di Cristo Hesus den nos bida, pa nos sali for di scuridad y cana den Su lus.
Filipensenan 4:6-7.
No preocupa pa nada, ma den tur cos, pa medio di oracion y suplica cu gradicimento, laga boso peticionnan ta conoci dilanti di Dios.Y e pas di Dios cu ta surpasa tur comprendemento, lo warda boso curason, y boso mente den Cristo Hesus.
E palabra ta sinja nos pa pone tur cos den oracion, pasobra Dios ta contesta nos oracion, y Dios nunca ta laga nos bandona y ta duna nos pas.
Job 8:20-21-22.
Ata, Dios no ta rechasa un hende perfecto, ni e no ta duna sosten na hacidornan di maldad.
Ta yega un dia cu E lo yena bo boca cu harimento, y bo lepnan cu grito di alegria.
Esnan cu ta odiabo, lo wordo bisti cu berguensa, y tent di e malbado lo no tey mas.
Senjor kier mustra nos cu e no ta lubida riba nos, ora nos ta perservera den su caminda, y ora nos ta haci su boluntad, ta yega e momento cu bendicion, lo derama y tur hende lo sa cu ta Dios mes a hacie pa nos.
Tur cos ta den man di Dios.
Sinceramente , Pastor Marcel Balootje
