Jucuri – Diasabra anochi den careda di 10’or algun unidad di Santa Cruz a bay den un mondi no mucho grandi pariba di casnan di Jucuri.
Eynan segun e prome informacion un persona masculino jong lo a cana drenta e mondi.
E motibo cu polisnan a bay tawata cu segun informacion e hende aki lo por tin mal intencion cu su mes. Ki mal intencion no ta conoci.
Na e sitio a yega transportwagen y tambe patruya pa si acaso topa e persona bay cu ne warda.
Por a mira e agentenan baha y drenta e mondi, cu tin manera un pasada.
Parse cu te hasta a haya descripcion di e persona.
Polisnan no a haya niun hende
Agentenan a bay un adres cerca di unda e mondi ta y a acerca e habitantenan cu lo tin camara di siguridad. A controla e imagennan capta, pero ningun caminda por a mira e persona cana drenta e mondi.
Polisnan no a stop eynan.
A pidi pa e Helicopter, cu a presenta y tambe a luza hopi ariba e mondi pero sin resultado.
Y asina a termina e buskeda tambe pa e supuesto homber hoben cu a cana drenta e mondi.
