E cinco cachonan cu diahuebs a ataca un mucha di shete aña na Belgica, a wordo sacrifica. E victima, Aodren, no a sobrevivi e atake.
Alcalde di Quévy a confirma na Sudinfo cu e cachonan a wordo sacrifica. E incidente tragico aki a sosode na un shelter di cacho, perteneciente n’e famia di Aodren, cerca di Quévy, n’e frontera cu Francia.
E atake a sosode mientras cu Aodren y su mama a bay duna e cachonan di come. E cinco Malamute, tipico cacho di slay, a ataca repentinamente.
E mama tambe a resulta herida. A pesar cu a logra saca su yiu di e grupo di cacho y brind’e prome auxilio, e mucha no a sobrevivi e atake.
Segun informacion, e cachonan a wordo sacrifica cu consentimento di e famia.
