ORANJESTAD – Campeonato Liga 40 plus organisa pa Criollo Reds Softball Team a continua diadomingo ultimo riba veld di Olimpic.
Den e promer promer wega e muchanan di Legends a baha pisa y a paga e luz du Surprise cu score di 15-4. Legends 15 careda, 16 hit , 3 error. Surprise 4 careda, 6 hit, 3 error. Melchor Abrue ta resulta pitcher ganador y Eric “Pabuchi” Irausquin ta bay cas cu un maleta carga cu careda.
Mihor bateadornan pa Legends ta Gregory “Pilin” Krosendijk still going strong di 4-4, Giovanni Maduro , Aldrick “Charro” Loopstok di 3-2, Juan Carlos Wester di 3-2 incluyendo un homerun. Pa Surprise a destaca na plato Charles “Aby” Danker, Edward “Gordo” Cannister, Eugene Flanegin y Ingomar Flanegin tur di 2-1. Den e di dos wega di dia Kibaima ta derota Blackout 13-8.
Pitcher ganador ta resulta Robert Tromp mientras George Richardson mester conforma su mes cu e derota. Kibaima 13 careda, 14 hit, 1 error. Blackout 8 careda, 9 hit, 2 error. Mihor bateadornan pa Kibaima ta Roderick Simon 2-2, Renny Hernandez y Giovanni Heyliger ambos di 3-2, Byron Boekhoudt tabata su bate tabata na candela a bay di 3-3 y David Eusabius a bay di 3-1 cual bataso tabata un cuadrangular.
Weganan lo continua diadomingo awor, 11 di augustus, cu un total di 5 wega cuminsando pa 10am riba veld di Olimpic den curason di Sta Cruz.
