Diasabra autoridad Venezolano Anti-droga a informa cu nan a pone man riba e Capo di droga “Chiche Smith” di 68 aña, hefe di “Cartel di Paraguana”, doño di e cargacion di droga di mas grandi cu a wordo intercepta na Aruba.
El Chiche Smith ta responsabel di e traficacion di droga di mas grandi di ultimo tempo, cual a wordo intercepta na Aruba dia 25 di Febuari 2020, abordo di e barco “Aressa”.
Barco Aressa, bao bandera di Camerun, a sali 23 feb 2020, pa 5’or pm for di waf Guaranao na Falcon, cu destino pa Grecia.
Durante su salida ya caba e tabata boa loop y Kustwacht a ordene drenta waf di Oranjestad, unda nan a haya 5000 kilo di droga scondi den e motor di barco.
Cinco persona a keda deteni y tur cinco a haya setencianan di entre 9 cu 15 anja di prison na Aruba.
E traficacion aki a conduci tambe na investigacion na Venezuela.
Despues di no por a localisa e sospechoso principal, diasabra a pone man riba Chiche.
Diadomingo 4 di April 2021 lo hibe dilanti fiscal pa presenta cargo contra dje.
Chichi Smith ta señala como líder di cartel di Paraguana, un organizacion di baho mundo cu ta usa e costanan di Falcon y Carabobo pa trafica droga via Caribe.
