Durante e celebracion di World Pride na Amsterdam e fin di siman cu a pasa, e parti Caribense di Reino Hulandes tambe a forma parti di e “Canal parade”, cu e boto “One Kingdom, One Love”.
Organisa door di e Fundacion 3Layers Foundation for Equality bou guia di e Arubiano Angelo Tromp e boto hopi colorido tabata tin como meta pa duna atencion na e derecho di e comunidad LHBT den Reino Hulandes, en particular na e pais y islanen den Caribe.
Na e ocacion aki PR di Gabinete di Aruba Sidney Kock a participa na e parada den nomber di Gabinete di Aruba.
