Recientemente por a tuma nota di e reaccionnan y comentarionan cu ex fotografo di 24Ora ta hasiendo tur dia riba red social. Ta parce cu e ta birando loco, y hogando den un glas di awa, pasobra e no ta compronde nada di loke nos kier trece dilanti.
E ta parce hopi desespera y awor ta cuminza aremente y lansa acusacion y calumnia contra Solo di Pueblo, pa cual nos a entrega tur su videonan na nos abogado, pa evalua cualke paso cu nos lo tuma contra dje.
Obviamente cu e no conoce nos suficiente, pa cual e mester por sa cu Solo di Pueblo no ta accepta baina di ningun mucha!
Anto esaki ta SIN cu nos a amplia riha su casonan, pasobra ta MAS denuncia publico tin hasi riba dje, di presunto violacion di otro persona.
Si te direccion ey e kier nos bay, anto sigui habri boca.
Tur cos ta draai rond di e hecho, cu segun Carlos, cu Solo di Pueblo lo a yame pa pedofiel. Increibel cu hende grandi no por lesa y no por compronde. Ningun momento Solo di Pueblo a yama Carlos pa pedofiel.
Nos a referi na su caso solamente, pa mustra cu na Februari 2021, Patrick Paskel no a haya holor y a weg’e, segun cu el’a declara y tambe confirma pa Carlos mes.
Atrobe, nos a referi na un denuncia publico cu a wordo haci. Den caso di Elvis Weert tambe a sosode mescos. Tur cos a cuminza cu un denuncia publico y riba 17 di Januari, Edmond Croes a suspende Weert mes ora.
Nos a splica e asunto aki over and over, pero parce cu tin hende cabes duro cu no kier compronde, kico ta e essentia.
E ex fotografo a haya ta bon pa haci expresionnan acusatorio contra di Edmond Croes, bisando cu Edmond Croes lo tabata sa kico Weert tabata hasiendo. Esey ta nada otro cu un acusacion falso, pa cual lo tuma paso legal apropia tambe contra di dicho expresionnan.
Finalisando Solo di Pueblo ta bolbe enfatisa e situacion: Dia cu un mama a denuncia den prensa cu a sosode actonan di pedofiel, Patrick Paskel no a suspende e ex fotografo pa asina haci un investigacion. Nan por a wel di investiga riba nan mes, pero sin suspencion.
Nos ta tuma nota cu e ex fotografo ta excita su mes, kisas bira emocional, y kier kere cu e por dicta riba Solo di Pueblo of pretende cu nos ta robes den e caso aki. Si e no ta compronde, busca un persona cu por jude compronde e punto. Paosbra obviamente e ta mal confundi. E ta pretende cu nos ta yame pa pedofiel, siendo esey nunca te caso, pero a solamente compara decicion cu a wordo tuma, na dos caso igual, unda ambos caso tabatin denuncia publico.
Nos ta spera di por a informe suficiente y cu awor si e por keda trankilo, pasobra mientras mas e sigui su videonan di locura cu acusacion contra nos, ta parce cu desesperacion a dal’e y ora deseperacion dal hende asina ey, kisas tin motibo!
