Carta abierta na miembronan di CAPA: Erosion di e Berdad den CAPA 251118

Prome, e acusacion di CAPA, e cooperativa di miembronan di SEPPA, pa lanta un caso contra mi persona, mientras e comunicado ta di Comision 11 cual a sali publica den un matutino no ta correcto. Tur otro medio a publica e comunicado como algo di Comision11. M a splica Juez esey, tambe e juez a ricibi copia di e comunicado, cu e ta di Comision 11.

Tur envano. E matutino a splica mi cu a publika e comunicado como algo di Wolff, pasobra di Wolff so nan tin un potret.

Juez no ta comprende ki ora notula ta valido.

Mi ta cuminsa cu e posición di Comision 11 cu directiva di CAPA kier tapa tur cos den e ladronisia di F 382.000,= dor di no kier duna información riba e Ladronisia grandi aki, cu ta placa di miembronan.

Den e RGA (Reunión General Anual) di CAPA na 2023 a duna solamente información cu tabatin un ladronicia di F382.000,= na 2022, información clave con ladronicia a sosode no a ser duna, ni den e RGA di 2024.

E juez ta scirbi cu CAPA a mustra cu informacionnan fundamental cualnan ta poni den e Notulanan di RGA (Reunión General Anual ) di CAPA na 2023 y 2024. Cu prueba mi a mustra e Juez durante e tratamento di e caso, cu den e notulanan di RGA 2023 aproba den e RGA di 2024, poni den e Revista RGA 2024 pagina 7 y 8, bao e titulo, 3. Relato Reunion General 9 november 2023, no tin nada scirbi ariba e Ladronisia di F 382.000,=. E relato=notula di RGA-2024 no a ser presenta ainda. Esaki ta sosode den e RGA 2025, cu ainda no a tuma lugar. Mi a splica e juez bon cla kico ta pasando akinan. E único notulanan di RGA ta esnan aproba den un RGA, cual pa tur hende cu sa, ta lógico tambe. Pero ya, e Juez no ta comprende esaki, pero ta pone den su exigencia pa mi rectifica cu den e notulanan di RGA 2023 y 2024 tin debido informacion.

Loke a pasa durante e tratamento di caso ta, un miembro di Directiva di CAPA, contra tur regla a bay te na e lessenaar di Juez, cu e asina yama notulanan di e RGA-nan di 2023 y di 2024, traha dor di un persona y cual notulanan ficticio di RGA-2023 no a ser aproba den RGA-2024. Esun di RGA-2024 tampoco, pasobra e RGA 2025 no a tuma lugar ainda, no por ta aproba. E ta straño ora Juez no ta comprende kico ta un notula aproba y otronan no-aproba. Mi persona treciendo e berdad cu e notula di RGA-2023 aproba den RGA 2024 no ta ser acepta y mi ta wordo castiga y mester rectifica.

Tapamento di Cos ta hopi.

Ademas pa loke ta tapamento di Cos, hopi a sosode. Durante e tratamento di e caso den corte mi a trece por escrito y papiando hala di informacionnan concreto cu nos di Comision 11 kier sa con e ladronicia a sosode, kico a pasa. Juez no ta menciona nada . Ta bon pa mi trece encorto e caminda di cruz cu Comision 11 a pasa aden pa motibo di tapamento di cos dor di directiva di CAPA, pa e registro.

Na 2024 nos a perde lunanan pa busca informacion di directiva, sin resultado.

Nos a pidi directiva un reunion pa duna splicacion. No a ricibi un contesta;

Nos a bay oficina di CAPA pa pidi e registro, e ta para den statutonan, pero nos no a ricibie.

Nos a perde 13 luna den corte pero alfin, alcabo, a logra gana e caso pa ricibi e registro;

Nos a perde dos luna, ya cu un meneer D, den nomber di directiva di CAPA a bisa comision 11 via carta cu CAPA a apela e caso, locual a resulta un gañamento;

Directiva di CAPA ta sigui insisti cu nan a apela e caso;

Despues Comision 11 mester a paga pa nos a logra di ricibi e prueba, cu CAPA no a apela e caso. Cu e prueba den man, nos a mustra directiva di CAPA cu CAPA no a apela e caso y cu nan ta desfuncional, pasobra nan no sa kico nan consehero huridico ta haci. Por fin nos por ricibi e registro, pero e registro cu CAPA kier duna no ta cuadra cu e veredicto y ta incompleto;

Awor e meneer D. ta hunga pa Juez y ta haci manera cu meneer D ta determina kico ta berdad, dor di hala directiva di CAPA un banda y bisa cu e ta representa directiva di CAPA y loke nan a ofrece Comision 11 ta keda arriba mesa y cu directiva di CAPA no ta bay perde mas tempo ariba e registro, pues ta tranca tur cos. Meneer D ta e ex-abogado cu a comete algo pisa, bay cera pa algún siman y después saca malamente for di Orden di Abogadonan

Pa tur hende ta bisto cu aki tras tin cosnan scondi = tapamento di cos, den e Ladronicia di

F 382.000,=, pero den e caso den corte e Juez ta pensa otro, ta mi persona mester rectifica ya según e, Directiva di CAPA a duna tur información y cu directiva di CAPA no ta tapa cos.

Un Antecedenten-onderzoek hopi straño

Den RGA-2024 di CAPA, sr M.G. Croes a bay te dilanti M.Brito, tesorero di CAPA y tambe e vocero di CAPA puntrando sra M. Brito si a screen e Persona cu ta ser considera como e malhechor, ora e a drenta servicio di CAPA, esta loke nos ta yama Antecedentenonderzoek. Hopi presente na e Reunión General a tende cu e Tesorero a bisa cu “esey a skip nos”. Den corte, según e Juez, Directiva di CAPA ta bisa cu esey nunca a sosode y e Juez a bisa cu Wolff no a duna mas splicacion profundo pa defende e ponencia di sr Croes. Con pa mi duna mas splicacion. Wak kico Juez ta bisa den punto 4.18:

“Ook heeft Wolff onvoldoende onderbouwd dat de Penningmeester van CAPA, mevrouw Brito tijdens een algemene vergadering zou hebben verklaard dat het antecedentenonderzoek van de hoofdverdachte bij de diefstal is overgeslagen. Volgens Wolff is Croes tijdens de Algemene Vergadering van 2024 naar voren gestapt, heeft hij de penningmeester gevraagd waarom er geen antecedentenonderzoek is gedaan en zou de penningmeester hebben gezegd dat dit is overgeslagen. CAPA heeft dit echter ontkend en Wolff heeft die stelling van geen enkele nadere onderbouwing voorzien. Bovendien heeft CAPA aangevoerd dat er wel degenlijk antecedentenonderzoek is gedaan en ter onderbouwing van die stelling heeft zij een verklaring omtrent het gedrag van mevrouw J. Jacopucci van 1 september 2022 overlegd. Hoewel niet is gebleken dat Wolff ten tijde van de publicatie van dit artikel over deze informatie beschikte, vormt het een sterke aanwijzing dat er wel een antecedentenonderzoek is gedaan.

E abogado di CAPA ta duna Juez un antecedenten-onderzoek di e principal persona envolví den e ladronicia di F 382.000,=, pero no a duna e contra-partido, Wolff, un copia di e antecedenten-onderzoek. Wolff a pidi e abogado di CAPA mr L Emerencia pa un copia di e antecedenten-onderzoek, pero no a ricibie. E abogado di CAPA a bisa cu e lo manda Wolff un copia via email. Despues di como 5 peticion na e Abogado, Wolff no a ricibi ningún antecedenteonderzoek. Di con e asunto aki ta mustra fishy?

1. Nos ta sinta/para como 3 pa 4 meter for di e Juez, pues Juez sa cu SWolff no a ricibi e antecedenten-onderzoek di e abogado di SEPPA, toch e ta scirbi: “Hoewel niet is gebleken….”
2. Normalmente y correctamente un antecedenten-onderzoek ta sosode ora un persona ta drenta den servicio di CAPA. Den e caso aki , e sra encuestion a drenta servicio di CAPA na 2021 o 2020.Hortamento di F 382.000,= a sosode for januari pa Aug/Sept 2022.

Loke e Juez a scirbi ta cu e antecedenten-onderzoek ta di september 2022, esta na final o después cu e ladronicia di F 382.000,= a tuma lugar.

3. Juez a ricibi e antecedenten-onderzoek durante tratamento di e caso y normalmente, e contra-partido den corte, esta Wolff tambe mester a ricibie, pero no a sosode. Juez a wak cu Wolff no a ricibi e antecedentenonderzoek.
4. Abogado Emerencia a mustra mi e, no a duna mi un copia y e juez no a exigi pa mi ricibie, como e contra-partido.
5. E Abogado a duna palabra dilanti Juez cu e lo manda Wolff un copia via email. Cual te awe no a sosode, a pesar di como 5 peticion na e abogado pa e cumpli cu su palabracion.

Hopi tricky!! Ta di lamenta cu e Juez no a capta cu e antecedentenonderzoek ta di september 2022, esta na final o después di e ladronicia, no na momento o prome cu e persona a drenta servicio di CAPA. Pero Juez si ta uzele como referencia pa castiga mi persona cu un rectificacion. Esaki ta HOPI MAHOS.

Tocante e 7 casonan y e caso huridico perdi dor di CAPA, contra un banco local.

Comision 11 a declara den e comunicado cu tin 7 casonan contra personanan enolvi y e caso perdi dor di CAPA contra un Banco, cu Comision 11, tambe miembronan no a ricibi información ariba e casonan aki. Comision 11 ta bisa cu e informacionnan aki a sali for di e abogado di CAPA den otro caso vs directiva CAPA. Ademas ta directiva di CAPA mes a declara den e revista di Reunion General di 2023, ariba pagina 6, cu tin casonan andando y tin un caso grandi contra un banco.

Comision 11 a pone e asuntonan aki den e comunicado pa directiva aclaria kico ta pasando. Den e comunicado, comision 11 a pidi información ariba e casonan aki. Miembronan cu ta doño di e placa horta, no ta ricibi información adecua, cual ta causando inkietud.

Juez no ta comprende e asunto aki, cu e placa horta di F382.000,= ta di miembronan y cu miembronan ta busca información y directiva di CAPA tin e obligación di duna información, pero no a duna ningun información. Juez ta bisa cu Wolff a trece un “onvoldoende feitelijke onderbouwing” pa e caso contra e banco, di información ariba 7 casonan, según e Juez ”ontbeert naar voorshands oordeel dus feitelijke grondslag”, despues fácilmente y inexplicable Juez ta dicta cu Wolff mester Rectifica.

AYNO, Ta den e revista di CAPA mes ta scirbi cu tin e casonan y tambe e caso contra e banco, pero no a duna información di esakinan mientras nan tin e obligación pa duna información na miembronan. Di unda e Juez ta saca “onvoldoende feitelijke onderbouwing” y “ontbeert feitelijke grondslag”, di mi banda arriba e casonan den corte y e Juez mesora ta castiga mi pasobra, comisión 11 a pidi información di directiva. NO POR!!!

Reunión general anual 2025 di CAPA

Mi a ricibi un convocación pa un reunión general 2025, hopi bruha.

Di con, e RGA 2025 ta ser yama pa un directiva di CAPA cual según e statutonan nobo desde 25 november 2024 no ta existi mas. Tambe e convocación según articulo 21, lid 3, no ta correcto. Si e reunión ser convoca dia 28 oktober, e mester tuma lugar pa dia 12 november 2025 o después. Pa dia 12 november 2025, Miembronan no a ricibi ningún información.

Si e reunión di dia 12 november 2025 no tin quorum ta sigui 14 dia después, esta dia 26 november 2025 o despues. E reunionnan convoca pa dianan 10 y 24 november no ta según statutonan, esta ta ilegalmente yama. Awor e dolor ta Sali. Comision 11 den e RGA 2024 na september 2024 via un moción a pidi pa wanta reunión pa miembronan studia e cambio di statutonan mihor, ya cu cierto miembronan a ricibi e cambio di statutonan un dia prome cu reunión, otro miembronan a ricibi esaki dia di reunión, pues no tabatin un debido preparación pa e cambio di statutonan. Ademas e directiva rechasa no a yama ningún reunión informativo pa splica e cambionan di statutonnan, cualnan ta bastante drastico.

Esaki ta e dolor awe. Mester cumpli cu statutonan y yama e RGA-2025 di nobo.

E dirigentenan nobo cu bon estudio y preparación.

E pregunta grandi ta kico ta pasando cu e dirigentenan nobo cu a wordo eligi den e Reunion General na april ultimo. Di con nan no a wordo poni den funciona ainda? Kendenan ta tarda e proceso, directiva, Banco Central o tin otro motibo? Mester bini un claridad, ya cu 8 luna ta bay pasa. Den e elección na cuminsamento di april ultimo, tur e miembronan di directiva anterior cu a pone nan mes como candidato, na cabes Magaly Brito, democráticamente y den forma nechi, nan a wordo rechasa formalmente dor di miembronan di CAPA.

E dirigentenan nobo tur cu preparacion académico, a ser eligi, cual ta un indicación fuerte cu futuro di CAPA ta sigura. Lidernan hoben cu bon preparación pa haci tremendo trabao den nos cooperativa CAPA.

Pa e motivo aki, e miembronan di e directiva bieu mester hala un banda, miembronan a rechasa bosonan, laga e dirigentenan nobo, kendenan ta bon prepara, tuma over.

Informacionnan y preguntanan adicional arib e ladronicia di F 382.000,=

1. Con e malhechor por a ricibi aseso na e cuenta di banco di Nos Cooperativa CAPA;
2. E pregunta ta si tin hende di paden, cu a yude o tabata dejado, esta no a cumpli cu su trabao, pa e Malhechor tin aseso na e cuenta di banco di CAPA, anto hopi biaha;
3. Pakico miembronan di Comision 11=miembronan di CAPA no por wak e Investigacion Forensico y e investigación di Ministerio Publico.
4. Di con tesorero no ta tuma un ehempel, manera a sosode na hopi ocacion, ora ta trata di un tesorero integro, kende ta pidi su retiro, si tur cos wordo aclaria y e no ta carga ningún culpabilidad, ta regresa den su función.
5. E lucha di Comision 11 pa busca e berdad den e LADRONICIA DI F 382.000,=, ta sigui.

Gregorio Wolff 18 nov 2025