Carta di Gobernador a mustra cu Ady a haci lo corecto den reunion di retiro di Marisol

0
767

Den un carta di Gobernador cu a sali na superficie recientemente, riba e reunion di parlamento cu a tuma lugar na October 2020, a bin sali na cla cu Ex presidente di Staten Ady Thijssen a actua corecto.

Ora a bini un discucion di interpretacion, y mirando cu Ady tin un otro opinion, otro na esun di Goberandor, a keda dicidi pa no ehecuta e mocion di desconfiansa den Marisol y como tal e reunion ey a keda sin efecto.

Conseheronan di Goberandor no tin experiencia di parlamento:

Ta visto cu e consehero di Gobernador ta lesa ley, pero ta falta e experiencia ora di votacion y ora cu miembronan kies pa bandona sala pa no vota.

Diferencia ta keda:

Te awe, Ady Thijsen ta keda riba su opinion, den su interpretacion. Ady a bisa esey na multiple ocacion.

Fayo grandi ta na Marisol:

E fayo grandi ta sinta na Marisol, cu no kier a entrega su retiro, ora su partido POR, pa kita sosten di dje. Na Hulanda dia 20 september 2021, Tweede Kamer a keur af dos minister y ambos a entrega nan retiro. No cu nan mester a entrega retiro, pero nan a hacie’le a base di lo corecto pa haci, cu no ta ni skirbi den ley.

Na Aruba nos conoce parlamentario cu por horta stoel di partido, por ehempel Daphne Lejuez, kende cu apenas 100 voto a bay cu asiento di MEP. Den e caso ey por papia di Parlamentario Independiente. Pero Minister Independiente ta un fenomeno cu nos nunca a conoce y cu Marisol kier a inventa.

E conclucion riba e carta di Gobernador, no a trece nada nobo na claridad. E mes un discucion cu tabatin y pesey mes a dicidi pa no ehecuta e mocion, unda a wante atras y Mariosl no a wordo retira a base di e reunion encuestion.

LEAVE A REPLY

Please enter your comment!
Please enter your name here