Diadomingo den oranan di merdia polis y brandweer a bay un adres cerca di Anglo Kleuterschool. Eynan lo tawata tin un explosion y e dak lo a ricibi daño.
Na yegada di autoridad, locual por a mira cu enberda algo lo a sosode pero no tawata tin un daño enorme manera a a ser pensa na cuminsamento.
Por a mira bomberonan controlando unda e incidente a tuma luga. Locual Arubanative.com por a mira tawata cu tawata falta un bentana completo, o sea cu algo a rementa y kibra e bentana cu rand di e cement tambe.
Departamento tecnico di polis a ser pidi na e sitio tambe. No tawata tin persona herida.
