Banco Central di Aruba (BCA) a conclui e encuesta di percepcion di negoshi pa e di segundo trimester di 2024. E encuesta di percepcion di negoshi ta evalua e percepcion economico di e negoshinan local.
E asina yama ‘Business Perception Index’, cu ta consisti di e indicenan di condicion economico actual y condicion economico a corto plaso, a crece for di 106,7 den e prome trimester di 2024 te na 107,4 den e di segundo trimester di 2024 (mira Grafico 1).
Grafico 1: ‘Business Perception Index’.
Fuente: Banco Central di Aruba
E resultado aki ta debi na un crecemento den e Indice di Condicion Economico actual di 2,1 punto di indice te na 107,3 den e di segundo trimester di 2024. Tanto, e Indice di Condicion Economico a corto plaso a baha cu 1,2 punto di indice te na 107,6 den e di segundo trimester di 2024 (mira Grafico 2).
Grafico 2: Resultado di Condicion Economico actual y Condicion Economico a corto plaso durante e di segundo trimester di 2024.
Fuente: Banco Central di Aruba
Den termino di expectativa relata na crecemento economico casi 60% (58,3%) di negoshi encuesta ta anticipa un crecemento economico positivo den e siguiente 12 luna (mira Grafico 3).
Grafico 3: Expectativa di crecemento economico den e siguiente 12 luna
Fuente: Banco Central di Aruba
Durante e di segundo trimester di 2024, e porcentahe di negoshi encuesta indicando “ningun” cambio den empleo a baha cu 15,4 punto di porcentahe te na 33,3%. E porcentahe di negoshi encuesta cu a raporta un ganashi a baha cu 6,4 punto di porcentahe te na 83,3%, mientras e porcentahe di negoshi encuesta indicando “empeoramento” den e condicion economico actual di inversion a subi cu 6,0 punto di porcentahe te na 11,1% den e di segundo trimester di 2024. Encuanto condicion economico a largo plaso pa e siguiente 12 lunanan, 38,9% ta anticipa cu e tasa di inflacion lo varia entre 2% y 3% den e di segundo trimester di 2024.
E relato completo di e encuesta di percepcion di negoshi ta disponibel ariba website di BCA www.cbaruba.org
