Ta bon pa splica lectornan di SOLO DI PUEBLO, cu actualmente caso Avestrus ta den fase 1, unda Huez ta interoga e acusadonan, pa asina e haya contesta pa su preguntanan. E caso mes mes lo ta dia 10 di November cu fiscal presenta su caso. Sigui pa luna di December unda e abogadonan lo presenta nan defensa. Cu e caso a dura solamente 3 ora diaranzon 7 di september 2022, tabata pasobra cu un sospechoso a nenga di duna contesta. Y Benny no sa nada… Pues, asina tambe huez ta forma su analisis di e caso.
Manera nos a splica caba, splica Avestruz ta mescos un telenovela.
- Capitulo 1 tabata 7 september
- Capitulo 2 ta 5 October
- Capitulo 3 ta 24 October
- Capitulo 4 ta dia 10 di November
- Capitulo 5, 6, 7, 8, 9, 10 ta dianan 11, 12, 13, 14, 15 y 16 di December
- Capitulo 11, ta na Januari
- Canpitulo final ta na Febuari.
Pues, esnan cu a kere cu el’a dura 3 ora so, awor ta haya sa cu “ainda falta”.. Den tur e capitulo aki, Benny mester bolbe presenta pa asina contesta pregunta di huez, riba su relacion cu Leoncita, cu Gaby, cu Bucuti Hotel, etc.
Tin hendenan cu kier purba haci tur sorto di defensa pa Benny. Pero ora scucha kico tur a sali for di e interogacion di corte, y scucha con Benny tabata haya placa na cantidad di 100 mil di Harms, 50 mil di Lowenstein, tur cu miras pa fix tereno, esaki no ta normal. No por pretende cu esaki ta algo normal na Aruba, pasobra e no ta. Pueblo ta pone un gobernante, kende ta huramenta, cu e lo sirbi pais na forma drechi. No cu e ta bay duna su amigo 10 tereno y djey bisa huez, cu e no sa nada.
