ORANJESTAD – Awe merdia Hof di Corte Superior a cuminsa cu tratamento di e caso apelacion di Nelson Cabral de Andrade (Speed).
SOLO DI PUEBLO por a compronde cu Nelson de Andrade no a presenta den Corte pero su abogado si.
E caso tabata mas bien un preparacion. Abogado mr. Canwood a bisa Hof cu door cu ta un caso pro forma, Nelson de Andrade no a presenta.
Dia 18 December 2024, Nelson de Andrade a woorda haya culpabel y a wordo condena na 18 luna di prison di cual 12 luna ta condicional.
Ta asina cu tanto abogado mr. Canwood como Ministerio Publico a apela e sentencia.
Procurador General a bisa cu e acusacionnan contra Nelson de Andrade ta cu entre 1 Januari 2021 y Maart 2023, Nelson de Andrade a haya informacionnan di combersacionnan di Polis. Tambe e ta wordo acusa di forma parti di un organizacion criminal cu e meta di cumpra e agente di Polis pa viola su obligacion di Polis.
Hof a fiha dia 22 Mei 2026, pa tratamento di e caso.
