E caso unda a soborna ex Minister Sevinger pa faborece su “friends & family”
E portal di noticia, NOTICIACLA a bisa diabierna merdia, cu segun nan informacion, e caso di ex minister Benny Sevinger lo ta den corte dia 7 di februari 2022. E luna di februari tabata conoci caba, pero no e fecha. Pues dia 7 di februari, e caso di corupcion di partido AVP lo ta dilanti mesa berde, unda tur nan “friends & family” lo mester presenta dilanti mesa berde. Aki lo bay regula con e caso lo wordo trata den corte, y lo figa e fecha. E caso mes lo wordo trata den luna di October 2022. Ainda tin casonan andando, cu ta wordo investiga y ainda ta interogando e sospechosonan, segun un fuente a divulga na SOLO DI PUEBLO. Ta papia di un banda criminal, cu a falsifica documento, horta tereno di pais Aruba, soborna Minister, regala minister cos, y despues a bende terenonan na prijsnan di 10 miyon dollar, unda e placa a wordo ricibi den exterior, pero tambe na Aruba. Den un cas cu a drenta algun tempo pasa, a haya como 500 mil dollar cash, segun un fuente anonimo a bisa SOLO DI PUEBLO. Pues, tur esakinan ta e faborecimento di “amigo y la familia” di AVP. Tur esaki a pasa bao di wowo y aprobacion di MIKE EMAN.
Esaki ta di dos minister acusa pa corupcion y ainda falta Mike de Meza y Richard Arends como Mike Eman himself pa a ricibi placa presuntament di soborno di Roberto Rincon.
Invitacion: Nos ta recroda tur miembro di AVP, Rycond, Mervin, Donkey, Mike, Arthur, pa zorg pa tur tey tempran den corte, pa nan tende kico a sosode den NAN partido y nan gobierno, cu nan colega.
Hopi ves nan kier canta manera Shakira: “Ciego sordo mudo”, pero awor ta yega ora pa dia 7 di februari, nan tey tempran pa haya lugar den corte of para pafor pa nan haya sa nan berdad, esta con AVP a horta e pais aki entre nan friends & family.
