Poco poco e informacionnan ta sali na claridad riba e asesinato di Poentje Castro.
Abogado di e sospechoso no ta nada contento cu tur loke ta tumando lugar. E ta cuestionando e hecho cu informacionnan di e caso ta sali pa prensa.
E pruebanan contra Rasmijn ta birando mas y cada ves cu mas confirmacion.
Video:
Ta bin sali na cla cu desde 10 aña pasa, lo tin imagen di video cu a capta Rasmijn den sercania di cas di Castro.
Durante e caso den corte, Hues a bisa cu tin suficiente indicacion cu Rasmijn ta envolvi. Segun Hues tin un video caminda ta mira Rasmijn core bay for di e cas y cu un saco den su poder.
Saco cu pistol:
E abogado a bisa tambe cu awor tin un prueba mas, cual ta declaracion di testigo. Aki un tal Gonzales a declara na polis, cu Anderson Rasmijn a dune un saco pe warda pe.
Ora cu Rasmijn a bin busca e saco bek, el’a puntra Gonzales si el’a wak aden. Gonzales lo a conteste cu no. Rasmijn a bisa Gonzales: “ta bon mes cu bo no a wak aden, pasobra eyden tin un arma. Ami a mata Poentje Castro”.
Esaki ta un declaracion hopi pisa contra Anderson Rasmijn y ta cuadra awor cu e imagen di video di 11 aña pasa, pero cu e tempo ey, tabata insuficiente pa incrimina Rasmijn den e caso.
Otro confirmacion suave ta e hecho cu diripiente Rasmijn no ta bon mas di cabes y mester un rapport di dokter, pasobra Rasmijn no ta compronde ta kico ta pasando. Ademas Rasmijn a haci uso di tene silencio. Pues den ningun interogacion, el’a papia!
E informenan aki ta tipifica den mayoria ves un culpabilidad, pasobra un persona cu ta inocente y kier papia berdad, lo papi’e den interogacion, den prensa, cu amigonan y dilanti huez.
Riba e video aki por scucha e abogado, ta duna prensa informacion.
