Castigo pisa pa apotheker(46) cu a daña cargamento di vacuna contra Coronavirus

0
43

GRAFTON (WI) – Un apotheker(46) di un Hospital a admiti cu e la purba na sobatea un cargamento di Corona vaccin. E homber a laga 500 vaccin afor di e vriezer cu e speransa pa nan daña. Awor ta colga añanan di prison ariba su cabes.

Steven Brandenburg, e tempo ey tawata traha na e Hospital na Grafton den e estado di Wisconsin, unda cu den luna di december e la saca tur e vaccinnan for di e cooler di e botica situa den e Hospital.
Ta trata di un cargamento di 570 vaccin di e compania Moderna, cual un parti tawata destina pa e personal di cuido.
Si e vaccinnan por wordo usa ainda ta wordo investiga. Asina mes a usa como 60 di e vacunanan.

Brandenburg mientrastanto a wordo kita for di trabou.
,, Memey di un crisis mundial pabo bay sinta daña vaccinanan ta puntra pa un reaccion pisa ” , segun Bryan Boynton di e departamento di Husticia a declara diaranson.
Tur e cargonan contra e apotheker ta core den 10 aña di prison pa cada un.
Asina tambe Ministerio Publico lo persigui tur hende y muy especial esnan den e sector medico, cu lo trata of daña e vacuna.

LEAVE A REPLY

Please enter your comment!
Please enter your name here