Diasabra anochi den un ora crucial pa comercio y pa negoshi di entretenimiento, Aruba a bay den blackout. Director di WEB, Alfredo Koolman a duna di conoce cu for di 8:15 Aruba a drenta blackout.
Segun Koolman, e causa na e momento ey no ta sigur di dje, pero ta relata na e sistema di control, pero lo mester haci un investigacion pa por confirma esaki ainda.
Personal di Web a tuma accion mesora pa wak e situacion y pa investiga e situacion pa asina traha un plan con ta bay recobra.
Sinembargo for di diabierna ta trahando riba e sistema di control y sigui traha riba dje diasabra. Esey ta na e unidad di control local. Segun director di WEB diasabra anochi un poco prome cu e blackout tabatin un accion di switch over di e sistema di control di local pa general unda cu a surgi e problema di blackout.
Sinembargo trahadonan di Web a traha lihe y pa 9 or di anochi ya caba tabatin indicacion caba con lihe e ta bay recobra y pa 10 or cuminza reconecta e prome partinan den forma cu a cuminsa suministra energia na comunidad.
Director di WEB ta lamenta di loke a sosode pa loke ta trata e blackout , pero tanto personal di WEB y Elmar ta trahando y haciendo lo posibel pa tin un recover completo di Aruba y esaki a sosode tambe.
