Durante di un entrevista cu NOTICIA CLA, Abogado di Benny a bisa: Den e 15 sospechosonan tin cosnan robes a sosode.

“Mi interes ta di Sevinger”, abogado Kock a bisa, indicando cu e no ta importa at all, kico lo sosode cu e otro 15 sospochosonan. Kock a bay mas leu di tira culpa riba tur e otro sospechosonan, indicando cu tin algun di nan a haci cos robes, y cu ta nan culpa y no di Benny.

E abogado a sigui bisa cu tin mas uso di confiansa. Hendenan cu Benny a confia, a mas usa e confiansa, alegando cu Benny ta laba man, y cu Benny lo no sa di nada!!

E abgodo ta admiti cu tin cosnan fout cu a sosode, bisano cu “tin cosnan a sosode”, pero esaki ta mal uso di confiansa di hendenan rond di Benny.

Cu otro palabra, Abogado David Kock ta mustrando di lo hiba su defensa pa Benny, colgando tur e amigonan o trahadornan di Benny, unda tur por bay “hoga” mes, contal Benny sali ileso di e caso.

Esaki lo ta e strategia? David Kock lo a cumbeni esaki cu e demas sospechosonan? E demas sospechosonan ta di acuerdo pa bay “hoga”, contal Benny haya un salbabida?

E declaracion ta asina importante, cu e ta clear tur storia, esta cu ta persecucion politico. Si tabata un persecucion politico, hamas David Kock por a papia asina, admitiendo cu tin yen cosnan robes, pero cu no ta Benny a haci eseynan, pero su hendenan di confiansa rond di dje.

Pues, tambe a hala nos atencion, cu David Kock ta garantisa cu lo bin un caso. Pues tampoco nos por pensa mas, segun Benny, cu no tin nada, y cu lo por seponeer e caso. Un sepo no ta van sprake mas.

Kock a bisa cu e caso lo cuminza na Januari 2022, pero cu na Juli 2022 lo por wordo trata.

LEAVE A REPLY

Please enter your comment!
Please enter your name here