Desde cu Gobierno a anuncia un hurricane warning pa Aruba y code oranje, hopi ta esnan cu a cuminza prepara. Un di e punto essential di preparacion ta zorg pa yena e tanki di gasolin, pa asina bo por tin mobilidad. Tambe productonan a wordo cumpra na gran cantidad te cu na varios sitio bateria a caba y tambe bela. Cuminda tambe ta importante, pero no cuminda cu mester frieuw, pero cuminda di blikki. Awa potabel mester poco botter encaso cu algo por pasa suministro di WEB. Yen di cosnan chikito por wordo prepara, pa asina, si algo por resulta otro, nos por surpasa algun dia cu alimento y lo necesario. Pa baby y muchanan mester percura si por tin extra pampers, wipes y nan cumindanan. Pues, tur cosnan chikito chikito cu por yuda nos pasa 2 pa 3 dia si algo por resulta otro. Maske te cu awe, no tin indicacion cu nada lo bay pasa, cu solamente hopi awacero y poco biento, pero no biento di horcan.
