ORANJESTAD – Den e foyer di Cas di Cultura a tuma lugar e presentacion di e “match” entre 11 projecto y nan sponsor. E projecto Pitch Time ta sigi apesar di e reto cu Covid 19 a trece cu ne,y awor ta drentando den su fase di wordo ehecuta.
E projecto Pitch Time ta un projecto di CEDE Aruba cu ta dedica na forma lidernan hobennan den nos comunidad. “Bario Edition” ta un projecto destina na hobennan entre 14-25 anja cu mester a traha un projecto pa nan bario, cu ta projectonan positive y duradero. Projecto cu ta beneficia henter un bario cu ayudo di habitantenan mes. CEDE Aruba a ricibi 20 projecto di cual 15 lo mester a bay pa di dos ronde, pero cu tur e retonan presenta pa e pandemia a keda cu 11 projecto hopi bunita cu a bay final.
Durante un fin di siman e fase di “Pitch bo projecto” a tuma lugar den studionan di Aruba TV den partnership cu High Performance. Cada team a hanja 10 min pa pitch nan projecto y asina mira cua sponsor lo escohe nan pa haci nan projecto realidad. Alberto Groeneveldt como moderador a haci un trabou magnifico guiando e programa di 4 ora te final.
Projectonan ta ;
- Wizz ‘U cation Youth leader: Giandra Erasmus Districto: Paradera
projecto ta basa riba wiskunde online na Papiamento. Sponser : Aruba Bank.
- Parke Familiar Tanki Leendert Youth Leader: Abigail Lugo Bario: Tanki Leendert
Projecto pa yuda drecha speeltuin y sinja muchanan pa planta mata Sponser:Aruba Bank
- Every Mind Matters Youth Leader: Cindy Jansen Bario : Sero Pita
Projecto ta pa traha support group pa hobennan entre 13-19 anja cu ayudo di profesional. Sponser : AAA ( Aruba Airport Authority).
- Never Refuse to Reuse Youth Leader : Thailysha Leest Districto : Noord
Projecto cu ta pa enfoca riba reciclahe di panja, plastic, tela etc den obranan di man. Pa yuda hobennan cu talento den arte. Sponser : AAA ( Aruba Airport Authority).
- Elevate Youth Leader : Angelo Dirksz Districto : Santa Cruz
Laga hobennan sinja e 3D printing haciendo workshops pa nan ta creativamente indepediente. Sponser: SETAR
- E Curazon di Mabon Youth Leader: Janchi Croes Bario : Mabon
Un projecto cu a wordo presenta na e bario prome cu a mande pa pitch time, e necesidad cu e bario tin pa muchanan recrea y drecha diferente facildadnan. Sponser FCCA
- B U Youth Leader: Sue-Kayli Roosberg Districto: San Nicolaas.
Pa yuda muchanan di menos recurso cu panja den un forma diferente. Sponser : AAA
- Skate Trailer Youth Leader : Mick Henriquez Districto : Noord
Projecto aki ta pa stimula y engrandece e deporte di skateboarding cu un rampa movibel pa sinja muchanan chikito skate board di bario pa bario Sponser FCCA
- Let’s Hike Aruba App Youth Leader: Xanthe Piῆa districto : Savaneta
Traha un App cu tur e trails, mata, storia y historia di Aruba Sponser SETAR
- Build to create Youth Leader: Derson Lampe Bario : Seroe Patrishi
Un projecto pa drecha cancha di futbol y pa pinta weganan popular pa muchanan mas chikito di bario y traha gazebo pa mayornan por sinta cu nan yiunan. Sponser : FCCA
- Step It Up Youth Leader : Rafael Garcia Bario: Bushiri
Un projecto cu lo duna balor na e materia di Culturele en Kunstzinnige Vorming (CKV) enfocando riba expresion di arte atrabes di baile. Sponser : Aruba Bank
Every Mind Matters y Step It Up ambos a ricibi for di huradonan awg 5000.00 extra pa nan projecto. Awor ta bay cuminsa cu e ehecucion di cada projecto. Den Luna di November lo mira con henter e desaroyo aki a bay.
Pronto lo presenta cada projecto individual. Pabien na e hobennan y nan team. 80% di hobennan den e projectonan ta boluntarionan nobo. CEDE Aruba ta sumamente orguyoso di e Youth Coachnan cu a traha hopi duru pa yuda e youth leadernan y nan team pa hinca nan projecto den otro y awor pa nan haci nan realidad. Dia 6 di November lo presenta e showcase event di Pitch Time.
