• Diasabra 10 di Juni Comunidad Portugues na Aruba ta celebrando 58 aña di existencia. 

Pa e  gran celebracion aki cu ya ta un custumber tur aña na Aruba esta dia Nacional di Portugal dia di Luis vas de Camoes y dia di comunidad portugues rond mundo.

.E celebracion aki a cuminsa na aña 1965 unda Sr Aventura Quimarais Dia 9 di Maart 1927 a nacre na Portugal cu 36 anja e la imigra pa Aruba, su ofishi tabata welder of soldador, pero e no tabata un welder comun y coriente, e tabata un artista . E tabata mihor conoci pa e homber cu tabata Biba dilanti di Elmar. Su persona a tuma e iniciativa pa e tempo ey celebra DIA DI PORTUGAL aki na Aruba conjunto cu un grupo chiquito di portuguesnan y a marcha saliendo for di su cas pa Wilhelmina Park. E Grupo di Portguesnan aki den un forma hopi emocional  a bini hunto pa asina gradici Aruba pa e bon aceptacion di e Portuguesnan na Aruba. 

Su persona a fayese November 17, 1993 pero ainda e dia aki comunidad Portugues ta recorde.

Portugues nan ta conoci di traha duro y lucha te fin, nan a contribui den  economia di Aruba den Ana nan 65, 70 y 80 tabata fungi trabow nan duro y pisa.

Portugues tabata busca un futuro pa nan famia y no ta importa e trabow ta importa e dignidad pa tin un trabow  y cu un dia nan lo logra.

Pa algun di nan esaki tabata un disparate of si un cos no mucho bon pa hasi pero, a sali foi nan pais pa traha y gana algo pa bay cas bek, y no pa keda semper. Esaki tabata e deseo di mayoria di nan. Pero na caminsa cosnan a cambia 

Asina a sosode cu portuguesnan poco poco tambe a cuminsa integra den e sociedad di Aruba y unda nan a eherce diferente function den comunidad  y educa nan famia y ainda nan ta aki y dera na e dushi isla aki Aruba.

Nan exito ta sin duda su capacidad di adapta den diferente ambiente mientras cu al mismo tempo mantene bibo y practica e valornan y su orginan.

Y pesey nos ta aki pa gradici Aruba pa acepta nos como parti di nan, nos ta sinti nos mes hopi orguyoso di forma parti di e isla aki y ainda nos ta parti di desaroyo di Aruba.

KEN TA LUIS VAS DE CAMOES??

Luis Vas de  Camoes tabata tin un vida turbulento, su aparencio inquito no a permitie sigui traha na e corte di Dr. Juan tercero, pero a wordo manda querra na Morroco, eynan ela perde su wowo drechi. Despues ela bai Portugal back, pero na 1553 ela sali di aventura pa Oriente, durante su viahenan tabata compone su peoma nan. Despues di 16 anja ela regresa Portugal, e la jega pober y canza, pero apunto di termina su obra pa e ofrece na su Patria un obra cu un prijs inpagable Os Lusíadas. Ananan despues cu Portugal a cai den e domino Spano, e partiotismo di e poeta a sufri un golpi doloros. Ela fayece dia 10 di Juni 1580, e poco dia prome cu ela muri ela scribi:

ENFIN BIDA LO CABA, TUR LO MIRA CU AMI TABATA AMIGO DI MI PATRIA Y CU LO MI PREFERA NO SOLAMENTE DI MURI NA MI PATRIA PERO CU MI PATRIA

LUIS VAZ DE CAMOES

BANDERA PORTUGUES

  • 5 Scina ta simboliza e 5 rey Mouros cu D Afonso Henriques a vence durante bataya di Ourique. E punto nan den e scina ta representa como e 5 chagas di Cristo unda ta bisa duratne bataya de Ourique Jesus Cristo crucifica aparece na D Afonso Henriques y ta bisa nos ta bai vence e bataya. 7 Castilo ta simboliza e localidad nan fortifica di Afonso Henriques E verde ta simboliza e seperanza e cora simboliza e coragem y e sanger di e portugues nan durante bataya. Autor di e bandera di Portugal ta  Columnao Bordalo Pinheiro, Joao  Chagas  y Abel Botelho ana 1891.

Celebracion dia Nacional di Portugal 

  • Programa pa e Gran celebracion ta como lo siguiente; DIASABRA 10 DI JUNI 

Pa 7or di anochi lo cuminsa gastronomía portugués cuminda típico portugués famoso Espetada com Bolo do Caco. 

Despues 8or y mei lo cuminsa e Show Cultural Portugues. Grupo Folclocio y Banda Musical Primavera lo tin un show espectaluar cu cu Poesia Baile Folclorico y Canto Portugues. For di Curacao lo tey presente acordionista Roberto Texeira cu lo acompana e Banda Musical.

Lo tey dos Grupo Invita representando cultura di Rep Dominicano y Venezuela.

Directiva  FSCP  ta hasi un invitacion general na henter pueblo di Aruba y Portuguesnan residencia aki na Aruba pa bin y celebra dia di Portugal na Aruba

Nos kier a gradici tur esnan cu di un of otro forma a yuda Club Primavera, Nos ta Masha agradesi pa boso contribucion di curason MUITO OBRIGADO

LEAVE A REPLY

Please enter your comment!
Please enter your name here